ಪ್ರಯೋಜನಗಳು: ವೇಗವಾಗಿ ಹೃದಯ ಬಡಿತ ಇರುವವರಿಗೆ ಮತ್ತು ಅಪಧಮನಿಗಳೊಳಗಿನ ಅಡೆ ತಡೆಗಳಿಂದ ಉಂಟಾಗುವ ಎದೆ ನೋವಿನಿಂದ ಬಳಲುತ್ತಿರುವ ಜನರಿಗೆ ಪ್ರಯೋಜನಕಾರಿಯಾಗಿದೆ. ಅಧಿಕ ರಕ್ತದೊತ್ತಡ, ಗ್ಯಾಸ್ಟ್ರಿಕ್ ಸಮಸ್ಯೆ, ಮೂಲವ್ಯಾಧಿ, ಮೈಗ್ರೇನ್ ತಲೆನೋವಿನ ಸಮಸ್ಯೆ ನಿಯಂತ್ರಣವಾಗುತ್ತದೆ. ಕೆಲಸದೊತ್ತಡದ ವೇಳೆಯಲ್ಲಿ ಅಥವಾ ಮೆಟ್ಟಲುಗಳನ್ನು ಏರುವಾಗ, ಬೆಟ್ಟ ಗುಡ್ಡ ಹತ್ತುವ ಸಂದರ್ಭದಲ್ಲಿ ಹೃದಯ ಮುದ್ರೆ ಮಾಡಿ ಒಂದೆರಡು ನಿಮಿಷ ನಿಂತುಕೊಂಡು ಮತ್ತೆ ಹತ್ತಬೇಕು, ಹೃದಯದ ಜೀವ ಶಕ್ತಿಯನ್ನು ಹೆಚ್ಚಿಸುತ್ತದೆ. ಆಗ ಆಯಾಸ ಪರಿಹಾರವಾಗಿ ದೇಹದಲ್ಲಿ ಚೈತನ್ಯ ಮೂಡುತ್ತದೆ. ಈ ಮುದ್ರೆಯು ಹೃದಯ ರೋಗಗಳಿಗೆ ವರದಾನವಾಗಿದೆ. ದೇಹದ ವಿವಿಧ ಭಾಗಗಳಲ್ಲಿರುವ ಹೆಚ್ಚಿನ ವಾಯುವನ್ನು ನಿವಾರಿಸಲು ಈ ಮುದ್ರೆ ಸಹಕಾರಿ. ದುರ್ಬಲ ಹೃದಯ ಪೀಡಿತರಿಗೆ ಕೂಡ ಈ ಮುದ್ರೆ ಸಹಕಾರಿ. ಕೈ ಕಾಲುಗಳಲ್ಲಿ ಅನಗತ್ಯವಾಗಿ ಬರುವ ಬೆವರನ್ನು ನಿಯಂತ್ರಿಸುತ್ತದೆ. ಮೂತ್ರ ವಿಸರ್ಜನೆ ಸರಾಗವಾಗಲು ಸಹಾಯ ಮಾಡುತ್ತದೆ. ವೆರಿಕೋಸ್ ನರದ ತೊಂದರೆಯಿಂದ ಬಳಲುತ್ತಿರುವವರು ಈ ಮುದ್ರೆಯಿಂದ ಸರಿಪಡಿಸಲು ಸಹಾಯವಾಗುತ್ತದೆ, ಮಂಡಿನೋವು ಸಂಧಿವಾತ ಇದ್ದವರು ಈ ಮುದ್ರೆಯನ್ನು ಅಭ್ಯಾಸ ಮಾಡಿದರೆ ಫಲಕಾರಿಯಾಗುತ್ತದೆ.
