ನಟಿಯರಾದ ರಾಧಿಕಾ ನಾರಾಯಣ್, ಸಿಂಧೂ ಲೋಕನಾಥ್, ಅದಿತಿ ಪ್ರಭುದೇವ, ಪಾವನಾ ಗೌಡ, ದಿವ್ಯಾ ಉರುಡುಗ, ಶ್ರೀಲೀಲಾ, ಅರ್ಚನಾ ಜೋಯಿಸ್, ಕವಿತಾ ಗೌಡ, ವೈಷ್ಣವಿ ಗೌಡ, ಕಾರುಣ್ಯಾ ರಾಮ್ ಮತ್ತು ಅವರ ಸೋದರಿ ಸಮೃದ್ಧಿ ರಾಮ್ ಈ ಕ್ಯಾಲೆಂಡರ್ನಲ್ಲಿ ತಿಂಗಳಿಗೊಬ್ಬರಂತೆ ವಿಭಿನ್ನ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇದೇ ಮೊದಲ ಸಲ ಮೂಡಿಬಂದಿರುವ ಈ ಕ್ಯಾಲೆಂಡರ್ ಇತ್ತೀಚೆಗಷ್ಟೇ ನಟಿ ಪ್ರಿಯಾಂಕಾ ಉಪೇಂದ್ರ ಅವರಿಂದ ಅನಾವರಣಗೊಂಡಿತು. ವಿಶೇಷವೆಂದರೆ, ಉದ್ಘಾಟಕರಾಗಿದ್ದ ಅವರಿಗೂ ಲಕ್ಷ್ಮೀ ವಿಭಿನ್ನ ಉಡುಗೆ ವಿನ್ಯಾಸ ಮಾಡಿದ್ದು, ಅದನ್ನೇ ಧರಿಸಿ ಆಗಮಿಸಿ ಕ್ಯಾಲೆಂಡರ್ ಉದ್ಘಾಟನೆ ಮಾಡಿದ್ದರು ಪ್ರಿಯಾಂಕಾ. ಜೀನ್ಸ್ನಿಂದಲೇ ಮಾಡಿದ ಸೀರೆ, ಗರಿಗಳಿಂದ ಮಾಡಿದ ರವಿಕೆ, ಕಾಮಿಕ್ ಪ್ರಿಂಟ್ ಸೀರೆ, ಗರಿಯ ಗೌನ್, ಧೋತಿ ಸೀರೆ, ಗಿಫ್ಟ್ ಪ್ಯಾಕ್ನಂಥ ಉಡುಗೆ.. ಹೀಗೆ ಬಗೆಬಗೆಯ ವಿನ್ಯಾಸಗಳ ದಿರಿಸನ್ನು ರೂಪಿಸಿ ಅದರಲ್ಲಿ ಸೆಲೆಬ್ರಿಟಿಗಳು ಕಂಗೊಳಿಸುವಂತೆ ಮಾಡಿ ಕ್ಯಾಲೆಂಡರ್ ರೂಪಿಸಲಾಗಿದೆ. ಅಂದಹಾಗೆ ಲಕ್ಷ್ಮೀಕೃಷ್ಣ 2 ವರ್ಷಗಳಿಂದ ಸೆಲೆಬ್ರಿಟಿ ಫ್ಯಾಷನ್ ಡಿಸೈನರ್ ಆಗಿ ಸ್ಯಾಂಡಲ್ವುಡ್ನಲ್ಲಿದ್ದು, 17 ಸಿನಿಮಾಗಳಿಗೆ ಕೆಲಸ ಮಾಡಿದ್ದಾರೆ.
