ಅವರನ್ನು ಅವಮಾನ ಮಾಡುವ ನನ್ನ ಗಂಡ ಅವರ ಎದುರಿಗೆ ನನ್ನನ್ನು ಕೆಟ್ಟ ಮಾತುಗಳಿಂದ ನಿಂದಿಸುತ್ತಾರೆ. ಮನೆಯಲ್ಲಿ ಟಿ.ವಿ ಇಲ್ಲ, ರೇಡಿಯೋ ಇಲ್ಲ. ಓದಲು ಪುಸ್ತಕಗಳು ಇಲ್ಲ. ನಮಗಂತೂ ಹೊತ್ತುಹೋಗುವುದೇ ದುಸ್ತರವಾಗಿದೆ. `ನೀವು ಬನ್ನಿ ಹೊರಗಡೆ ಹೋಗೋಣ’ವೆಂದರೆ, `ಅಲ್ಲಿ ಯಾರನ್ನು ನೀನು ನೋಡಬೇಕು? ಯಾರೊಂದಿಗೆ ಮಾತಾಡಬೇಕು? ‘ ಎಂದೆಲ್ಲಾ ಹೀಯಾಳಿಸುತ್ತಾರೆ. ನನಗೆ ಮತ್ತು ನನ್ನ ಮಕ್ಕಳಿಗೆ ಕಾಯಿಲೆಯಾದರೂ ಆಸ್ಪತ್ರೆಗೆ ಕರೆದುಕೊಂಡು ಹೋಗುವುದಿಲ್ಲ. ಮನೆ ಔಷಧಿಯಲ್ಲಿಯೇ ವಾಸಿಮಾಡಿಕೊಳ್ಳಬೇಕು. ನನಗಂತೂ ಬದುಕೇ ಸಾಕಾಗಿದೆ ಮೇಡಂ. ಮಕ್ಕಳಿಗಾಗಿ ಈ ಜೀವ ಹಿಡಿದುಕೊಂಡಿದ್ದೇನೆ. ಈ ಪತ್ರವನ್ನು ಹೇಗೋ ಮಾಡಿ ಬೇರೆಯವರ ಸಹಾಯದಿಂದ ನಿಮಗೆ ತಲುಪಿಸುತ್ತಿದ್ದೇನೆ ಮೇಡಂ. ಪ್ಲೀಸ್ ನೆರವಾಗಿ.
