ನಾನು ಶಿಕ್ಷಕನಾಗುವ ಕನಸು ಕಂಡವನು. ಸ್ಪರ್ಧಾತ್ಮಕ ಪರೀಕ್ಷೆಗೆ ತರಬೇತಿ ಪಡೆಯಲು ಧಾರವಾಡದಲ್ಲಿ ಸಾಕಷ್ಟು ತೊಂದರೆ ಅನುಭವಿಸಿದ್ದೆ. ಪಾರ್ಟ್ ಟೈಂ ಕೆಲಸ ಮಾಡುತ್ತಲೇ ಡಿ.ಇಡಿ, ಬಿಎ ವ್ಯಾಸಂಗ ಪೂರ್ಣಗೊಳಿಸಿದ್ದೆ. ಆದರೆ, ಪೊಲೀಸ್ ಇಲಾಖೆ ಸೇರಿದೆ. ನನ್ನಂತೆ ಗ್ರಾಮೀಣ ಭಾಗದ ಮಕ್ಕಳು ಸಹ ಸ್ಪರ್ಧಾತ್ಮಕ ಪರೀಕ್ಷೆ ತಯಾರಿಗೆ ಪರದಾಡಬಾರದು. ಅವರು ಆರ್ಥಿಕ ಸಂಕಷ್ಟದಿಂದ ಅಧ್ಯಯನದಿಂದ ವಂಚಿತವಾಗಬಾರದು ಎನ್ನುವ ಕಾರಣಕ್ಕೆ 2.5 ಲಕ್ಷ ರೂ. ವೆಚ್ಚ ಮಾಡಿ ಈ ಕೇಂದ್ರ ತೆರೆದಿದ್ದೇನೆ. ಗುರುಗಳಾದ ಎಂ.ಬಿ. ಮೆಳವಂಕಿ, ಸಾಹಿತಿ ಸೋಮು ರೆಡ್ಡಿ ಮಾರ್ಗದರ್ಶನಲ್ಲಿ ಕೇಂದ್ರ ಮುನ್ನಡೆಯುತ್ತಿದ್ದು, ಪೊಲೀಸ್ ಕರ್ತವ್ಯದೊಂದಿಗೆ ಈ ಶೈಕ್ಷಣಿಕ ಸೇವೆಯನ್ನೂ ಕೊಟ್ಟ ಸಂತೃಪ್ತಿ ಸಿಕ್ಕಿದೆ. ಎಲ್ಲ ಸೇವೆಗಳೂ ಉಚಿತವಾಗಿದ್ದು, ಪುಸ್ತಕಗಳನ್ನು ದೇಣಿಗೆಯಾಗಿ ನೀಡಬಯಸುವವರು ಮೊ.ಸಂ. 7353798413 ಸಂಪರ್ಕಿಸಬಹುದು ಎನ್ನುತ್ತಾರೆ ಶಿವಾನಂದ ತಿಮ್ಮಾಪುರ.
