ಒಮ್ಮೆ ತಂದೆ-ಮಗ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದರು. ರೈಲಿನ ಕಿಟಕಿಯಿಂದ ಹೊರಗೆ ನೋಡಿದ 24 ವರ್ಷದ ಮಗ ಒಮ್ಮೆಲೇ ಕೂಗಿದ- ‘ಅಪ್ಪಾ, ಮರಗಳು ಹಿಂದೆ ಹೋಗುತ್ತಿವೆ ನೋಡಿ!’ ಎಂದು. ತಂದೆ ಮುಗುಳ್ನಕ್ಕ. ಅಲ್ಲಿಯೇ ಹತ್ತಿರದಲ್ಲಿ ಕುಳಿತಿದ್ದ ಯುವ ದಂಪತಿ, 24 ವರ್ಷದ ಆ ಯುವಕನ ಬಾಲಿಶ ನಡವಳಿಕೆಯನ್ನು ಕರುಣೆಯಿಂದ ನೋಡಿದರು. ಇದ್ದಕ್ಕಿದ್ದಂತೆ ಆ ಯುವಕ ಮತ್ತೆ ಉದ್ಗರಿಸಿದನು. ‘ಅಪ್ಪಾ, ಮೋಡಗಳು ನಮ್ಮೊಂದಿಗೆ ಓಡುತ್ತಿವೆ ನೋಡಿ!’ ಎಂದು. ದಂಪತಿಗೆ ಯುವಕನ ಈ ನಡವಳಿಕೆ ನೋಡಲು ಸಾಧ್ಯವಾಗಲಿಲ್ಲ. ಅವರು ಯುವಕನ ತಂದೆಗೆ ಹೇಳಿದರು, ‘ನೀವು ನಿಮ್ಮ ಮಗನನ್ನು ಒಳ್ಳೆಯ ವೈದ್ಯರ ಬಳಿಗೆ ಏಕೆ ಕರೆದೊಯ್ಯಬಾರದು?’ ತಂದೆ ಮುಗುಳ್ನಕ್ಕು ಹೇಳಿದ... ‘ನಾನು ಅದನ್ನೇ ಮಾಡಿದ್ದೇನೆ ಮತ್ತು ನಾವು ಇವಾಗ ಆಸ್ಪತ್ರೆಯಿಂದ ತಿರುಗಿ ಬರುತ್ತಿದ್ದೇವೆ. ನನ್ನ ಮಗ ಹುಟ್ಟಿನಿಂದಲೇ ಕುರುಡನಾಗಿದ್ದನು. ಅವನಿಗೆ ಇಂದೇ ಕಣ್ಣುಗಳು ಬಂದಿವೆ’ ಎಂದು. ಆ ದಂಪತಿಗೆ ಕಣ್ಣು ತುಂಬಿ ಬಂದಿತು.. ಮಾತು ಮರೆತುಹೋದವು..
