ಈಗ ಪ್ರಿಯಾಮಣಿ ನಟನೆಯ ‘ಅತೀತ್’, ಜೀ5ನಲ್ಲಿ ಮಂಗಳವಾರ ರಿಲೀಸ್ ಆಗಿದೆ. ಇದೊಂದು ಸಸ್ಪೆನ್ಸ್ ಥ್ರಿಲ್ಲರ್ ಆಗಿದ್ದು, ರಾಜೀವ್ ಖಂಡೆಲ್ವಾಲ್, ಪ್ರಿಯಾಮಣಿ ಮತ್ತು ಸಂಜಯ್ ಸುರಿ ಮುಖ್ಯಭೂಮಿಕೆಯಲ್ಲಿದ್ದಾರೆ. ಅಂದಹಾಗೆ, ತನುಜ್ ಬಾರ್ಮರಾ ನಿರ್ದೇಶದ ‘ಅತೀತ್’ ಚಿತ್ರದ ಕಥೆಯೂ ಅಷ್ಟೇ ಕುತೂಹಲಕಾರಿಯಾಗಿದೆ. ಆರ್ವಿುಯ ಕ್ಯಾಪ್ಟನ್ ಅತೀತ್ ರಾಣಾ ನಾಪತ್ತೆಯಾಗುತ್ತಾರೆ. ಅವರು ಸಾವನ್ನಪ್ಪಿದ್ದಾರೆ ಎಂದು ಸೇನೆ ಘೊಷಿಸುತ್ತದೆ. ಇತ್ತ ಅತೀತ್ ಪತ್ನಿಯನ್ನು ಮದುವೆಯಾಗಲು ಇನ್ನೋರ್ವ ಆಗಮಿಸುತ್ತಾನೆ. ಇದೆಲ್ಲ ನಡೆದು ದಶಕ ಕಳೆಯುವುದರಲ್ಲಿ ನಾಪತ್ತೆಯಾಗಿದ್ದ ಅತೀತ್ ದಿಢೀರ್ ಪ್ರತ್ಯಕ್ಷನಾಗುತ್ತಾನೆ! ಹಾಗಾದರೆ, ಅತೀತ್ಗೆ ಏನಾಗಿತ್ತು? ಹೆಂಡತಿಯ ಮುಂದಿನ ನಡೆ ಏನು? ಹೀಗೆ ಕೌತುಕದಲ್ಲಿಯೇ ಸಿನಿಮಾ ನೋಡಿಸಿಕೊಂಡು ಹೋಗುತ್ತದೆ. ಇದಲ್ಲದೆ ಪ್ರಿಯಾಮಣಿ, ಸದ್ಯ ‘ಡಾ.56’, ‘ಮೈದಾನ್’, ‘ಸಿರಿವೆನ್ನಿಲಾ’, ‘ನಾರಪ್ಪಾ’ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.
