ಆದುದರಿಂದಲೇ ಸಂತ ಕಬೀರ್ದಾಸರು ಗುರುವಿನ ಬಗ್ಗೆ ಹಾಡಿ ಹೊಗಳುತ್ತಾ ‘ಸಾರೀ ಸಮುಂದರ್ ಮಸೀ ಬನಾವೋ, ಸಾರೀ ಭೂಮೀ ಕಾಗಜ್; ಫಿರ್ಭೀ ಗುರುಗುನ್ ಲಿಖಾ ನ ಜಾಯೇ’ ಎಂದರು. ‘ಗು’ ಅಂದರೆ, ಅಜ್ಞಾನ, ‘ರು’ ಎಂದರೆ ನಿವಾರಿಸುವವನು ಎಂಬರ್ಥವೂ ಗುರುವಿಗೆ ಇದೆ. ಹಾಗೆಂದು ಬರೇ ವಿಷಯ ಸಂಗ್ರಹಣೆಗೆ, ಮಾಹಿತಿಯನ್ನು ಕಲೆ ಹಾಕಲು ಗುರುಗಳ ಅವಶ್ಯಕತೆ ಇಲ್ಲ. ಕಾರಣ ಈ ನಡುವೆ ಅವೆಲ್ಲವೂ ಅಂತರ್ಜಾಲಗಳಲ್ಲಿ, ಗ್ರಂಥಾಲಯಗಳಲ್ಲಿ ಲಭ್ಯ. ಅದಕ್ಕೆ ನಿನ್ನ ಗುರು ಯಾರು? ಎಂಬ ಪ್ರಶ್ನೆಗೆ ಕಿಲಾಡಿ ಹುಡುಗನ ಉತ್ತರ ನನ್ನ ಗುರು ಗೂಗಲ್ ಎಂಬುದಾಗಿತ್ತು! ಆದರೆ, ಸೂಕ್ತ ಮಾರ್ಗದರ್ಶನಕ್ಕೆ, ಪ್ರೇರಣೆಗೆ, ಸ್ಪೂರ್ತಿಗೆ, ಓರ್ವ ಗುರುವಿನ ಅವಶ್ಯಕತೆ ಇದೆ. ಆದುದರಿಂದಲೇ ಬಲ್ಲವರು ಹೇಳಿದರು ಜೀವನದಲ್ಲಿ ಮುಂದೆ ಗುರಿ ಹಿಂದೆ ಗುರು ಇರಬೇಕೆಂದು!
