2012ರಲ್ಲಿ ಅಧಿಕಾರಕ್ಕೆ ಬಂದ ಷಿ ಜಿನ್ಪಿಂಗ್ ಇನ್ನೊಂದು ಮಜಲಿಗೊಯ್ದರು. ಕುಖ್ಯಾತ ಆಛ್ಝಿಠಿ ಚ್ಞಛ ್ಕಚಛ ಐಜಿಠಿಜಿಚಠಿಜಿಡಛಿ (ಆಐ) ಯೋಜನೆಯ ಅಂಗವಾಗಿ 2014ರಲ್ಲಿ ಅವರು ಚೈನಾ ಪಾಕಿಸ್ತಾನ್ ಇಕನಾಮಿಕ್ ಕಾರಿಡಾರ್ ಅಥವಾ ಸಿ-ಪೆಕ್ ಯೋಜನೆಯನ್ನು ಪಾಕ್ ನಾಯಕರ ಮುಂದಿಟ್ಟರು. ಪಶ್ಚಿಮ ಚೀನಾದ ಕಾಶ್ಗರ್ನಿಂದ ಪಾಕ್ ಆಕ್ರಮಿತ ಗಿಲ್ಗಿಟ್-ಬಾಲ್ಟಿಸ್ತಾನ್, ಪಾಕಿಸ್ತಾನದ ಖೈಬರ್-ಪಖ್ತೂನ್ಖ್ವಾ, ಪಂಜಾಬ್ ಮತ್ತು ಬಲೂಚಿಸ್ತಾನ್ ಪ್ರಾಂತ್ಯಗಳಲ್ಲಿ ಹಾದು ಅರಬ್ಬೀ ಸಮುದ್ರ ತೀರದ ಗ್ವಾದಾರ್ ಬಂದರಿನವರೆಗೆ ಈಗಾಗಲೇ ಯೋಜಿತವಾಗಿರುವ ರಸ್ತೆ-ರೈಲು ಮಾರ್ಗಗಳ ನಿರ್ವಣದ ಜತೆಗೆ ಅಟೋಕ್, ಇಸ್ಲಾಮಾಬಾದ್, ರಾವಲ್ಪಿಂಡಿ, ಲಾಹೋರ್, ಮುಲ್ತಾನ್, ಹೈದರಾಬಾದ್, ಕರಾಚಿ ಸೇರಿದಂತೆ ಪಾಕಿಸ್ತಾನದ ಪ್ರಮುಖ ನಗರಗಳನ್ನು ಜೋಡಿಸುವ ಸುವ್ಯವಸ್ಥಿತ ರಸ್ತೆಮಾರ್ಗಗಳು, ಆ ಎಲ್ಲಾ ಮಾರ್ಗಗಳ ಉದ್ದಕ್ಕೂ ಸಿಂಧೂ ಮತ್ತದರ ಉಪನದಿಗಳಿಗೆ ಹಲವಾರು ಅಣೆಕಟ್ಟೆಗಳು, ಜಲವಿದ್ಯುತ್ ಉತ್ಪಾದನಾ ಸಂಯಂತ್ರಗಳು ಹಾಗೂ ಕೈಗಾರಿಕಾ ಸಮುಚ್ಚಯಗಳ ನಿರ್ವಣಗಳನ್ನೊಳಗೊಂಡ ಸಿ-ಪೆಕ್ ಯೋಜನೆ ಇಡೀ ಪಾಕಿಸ್ತಾನದಲ್ಲಿ ಆರ್ಥಿಕ ಚಟುವಟಿಕೆಗಳನ್ನು ಅಭೂತಪೂರ್ವ ಮಟ್ಟಕ್ಕೇರಿಸುವ, ಕೋಟ್ಯಂತರ ಪಾಕಿಸ್ತಾನೀಯರಿಗೆ ಪ್ರತ್ಯಕ್ಷ-ಪರೋಕ್ಷ ಉದ್ಯೋಗ ನೀಡುವ, ಆ ಮೂಲಕ ಪಾಕಿಸ್ತಾನದ ಭಾಗ್ಯದ ಬಾಗಿಲನ್ನೇ ತೆರೆದು, ಭಾರತಕ್ಕೆ ಸೆಡ್ಡುಹೊಡೆದು ನಿಲ್ಲುವ ಸಾಮರ್ಥ್ಯವನ್ನು ನೀಡುತ್ತದೆ ಎಂದು ಚೀನೀ ಅಧ್ಯಕ್ಷ ಪಾಕಿಗಳನ್ನು ಚೆನ್ನಾಗಿ ಉಬ್ಬಿಸಿದರು, ಪ್ರಧಾನಿ ನವಾಜ್ ಶರೀಫ್, ಅವರ ಹೆಣ್ಣುಮಕ್ಕಳಾದ ಮರಿಯಂ ಮತ್ತು ಆಸ್ಮಾರನ್ನು ಬೀಜಿಂಗ್ಗೆ ಕರೆದು ಸತ್ಕರಿಸಿ, ಕೈಗೆ ಸಾಕಷ್ಟು ಲಂಚವನ್ನೂ ಹಾಕಿದರು. ಏಪ್ರಿಲ್ 2015ರಲ್ಲಿ ಪಾಕಿಸ್ತಾನಕ್ಕೆ ಅಧಿಕೃತ ಭೇಟಿಗೆ ಹೊರಡುವಾಗ ಜಿನ್ಪಿಂಗ್ ಘೊಷಿಸಿದ್ದು ಹೀಗೆ- ‘ಸ್ವಂತ ಸಹೋದರನ ಮನೆಗೆ ಹೋಗುತ್ತಿರುವಂತೆ ನನಗನಿಸುತ್ತಿದೆ.’ ಭೇಟಿ ಮುಕ್ತಾಯವಾಗುತ್ತಿದ್ದಂತೇ ಉಭಯ ದೇಶಗಳ ನಡುವಿನ ‘ಸರ್ವಋತು ಸಾಮರಿಕ ಸಹಕಾರೀ ಸಹಭಾಗಿತ್ವವನ್ನು ಮತ್ತಷ್ಟು ಬಲಪಡಿಸಲು ಸಹಕಾರಿಯಾಯಿತು’ ಎಂದವರು ಇಸ್ಲಾಮಾಬಾದ್ನಲ್ಲಿ ಘೊಷಿಸಿದರು. ಚೀನೀ ಹಣಕ್ಕೆ ತಮ್ಮನ್ನು ಮಾರಿಕೊಂಡು ಸಂತೃಪ್ತಿಯಿಂದ ಬೀಗುತ್ತಿದ್ದ ನವಾಜ್ ಶರೀಫ್ ‘ಚೀನಾ ಜತೆಗಿನ ಸ್ನೇಹ ಪಾಕಿಸ್ತಾನದ ವಿದೇಶನೀತಿಯ ಅಸ್ತಿಭಾರ ಶಿಲೆ... ಚೀನಾ ಮತ್ತು ಪಾಕಿಸ್ತಾನದ ಸ್ನೇಹ ಹಿಮಾಲಯಕ್ಕಿಂತಲೂ ಎತ್ತರ, ಸಾಗರಕ್ಕಿಂತಲೂ ಆಳ’ ಎಂದು ಬಣ್ಣಿಸಿದರು. ಇದೆಲ್ಲವೂ ಶ್ರೀಲಂಕಾದಲ್ಲಿ ನಡೆದ ನಾಟಕದ ಪಕ್ಕಾ ಪಾಕ್ ಆವೃತ್ತಿ.
