2017ರಿಂದ ಆರಂಭ: ಯೋಜನೆ ಕುರಿತು 2015ರಲ್ಲಿ ಚಿಂತನೆ ನಡೆದಿತ್ತಾದರೂ 2017ರಲ್ಲಿ ಅಧಿಕೃತವಾಗಿ ಚಾಲನೆ ನೀಡಲಾಯಿತು. ಬೆಂಗಳೂರು ಹೊರವಲಯದ ನೆಲಮಂಗಲ, ಹೊಸಕೋಟೆ, ಬೆಂಗಳೂರು ಪೂರ್ವ, ಬೆಂ. ಉತ್ತರ, ಬೆಂ. ದಕ್ಷಿಣ, ದೊಡ್ಡಬಳ್ಳಾಪುರ, ದೇವನಹಳ್ಳಿ ಹಾಗೂ ಆನೇಕಲ್ ಪ್ರದೇಶಗಳ 4,395 ಚದರ ಕಿ.ಮೀ. ಪ್ರದೇಶದಲ್ಲಿ ಮನೆಯ ಅಡುಗೆ ಕೋಣೆಗಳಿಗೇ ನೇರವಾಗಿ ಅನಿಲ ಸರಬರಾಜು ಮಾಡುವ ಯೋಜನೆ ಕೈಗೆತ್ತಿಕೊಳ್ಳಲಾಗಿದೆ. ಗೇಲ್ ಕಂಪನಿ ತಿಳಿಸಿರುವಂತೆ, ನಗರದ ಇಬ್ಬಲೂರು ಸಹಿತ ಎಚ್.ಎಸ್.ಆರ್. ಬಡಾವಣೆ, ಸಿಂಗಸಂದ್ರ, ಮಂಗಮ್ಮನಪಾಳ್ಯ, ಬೆಳ್ಳಂದೂರು, ಮಾರತ್ತಹಳ್ಳಿ, ವೈಟ್ಫೀಲ್ಡ್, ಗರುಡಾಚಾರ್ಪಾಳ್ಯ, ಕಾಡುಗುಡಿ, ಹಗದೂರು, ದೊಡ್ಡನೆಕ್ಕುಂದಿ, ಸಂಜಯನಗರ, ರಾಧಾಕೃಷ್ಣ ವಾರ್ಡ್,
