ಕಾಕತಾಳೀಯವೋ ಎಂಬಂತೆ, 2004ರಲ್ಲಿ ಕಾಂಗ್ರೆಸ್ ನೇತೃತ್ವದ ಯುಪಿಎ ಸರ್ಕಾರ ಬಂದಾಗಿನಿಂದ ಮತ್ತು 2014ರ ಆದಿಯವರೆಗೆ ಅದು ಆಡಳಿತದಲ್ಲಿದ್ದ ಕಾಲದಲ್ಲಿ ಬಾಲಿವುಡ್ನಲ್ಲಾಗಲೀ ಅಥವಾ ಇತರ ಭಾರತೀಯ ಭಾಷೆಗಳಲ್ಲಿ ಬಿಡುಗಡೆಯಾದ ಚಲನಚಿತ್ರಗಳಲ್ಲಿ ದೇಶ ಪ್ರೇಮ, ರಾಷ್ಟ್ರೀಯತೆ ಅಷ್ಟಾಗಿ ಕಾಣಸಿಗಲಿಲ್ಲ. ಇದಕ್ಕೆ ಅಪವಾದ ವೆಂಬಂತೆ 2008ರಲ್ಲಿ ಬಿಡುಗಡೆಯಾದ, ನಾಸಿರುದ್ದೀನ್ ಷಾ ಅಭಿನಯದ ಹಿಂದಿ ಚಲನಚಿತ್ರ ‘ಎ ವೆನ್ಸ್ಡೇ’ ದೇಶಪ್ರೇಮ, ರಾಷ್ಟ್ರೀಯತೆಯನ್ನು ಬಿಂಬಿಸಿತ್ತು. ಇದು ಭಯೋತ್ಪಾದನೆ, ಹಿಂಸಾಚಾರ ಮತ್ತು ಮುಗ್ಧ ನಾಗರಿಕರ ಹತ್ಯೆಯ ವಿರುದ್ಧ ಸಾಮಾನ್ಯ ಮನುಷ್ಯನ ಕ್ರೋಧ ಮತ್ತು ಕೋಪವನ್ನು ಅದ್ಭುತವಾಗಿ ಅಭಿವ್ಯಕ್ತಿಪಡಿಸಿತ್ತು.
