ಮನೆಯ ಹೊರಗಡೆ ಸಾಂಟ್ರೋ ಕಾರು ನಿಂತಿತ್ತು. ಅದರ ಮೇಲೆ ಪಂಜಾಬ್-ಹರಿಯಾಣ ಹೈಕೋರ್ಟ್ ನ್ಯಾಯಾಧೀಶರು ಎಂಬ ಸ್ಟಿಕರ್ ಅಂಟಿಸಲಾಗಿತ್ತು. ಸ್ಟೀರಿಂಗ್ ಕೆಳಗಿದ್ದ ಪೆಟ್ಟಿಗೆಯಲ್ಲಿ ಚೀನೀ ತಯಾರಿಕೆಯ ರಿವಾಲ್ವರ್ ಇದ್ದು ಅದರಲ್ಲಿ ನಾಲ್ಕು ಗುಂಡುಗಳಿದ್ದವು. ಕಾರಿನ ಡಿಕ್ಕಿಯಲ್ಲಿ ಎರಡು ಬ್ಯಾಕ್ಪ್ಯಾಕ್ಗಳಿದ್ದವು. ಒಂದರಲ್ಲಿ ದೆಹಲಿ ಪೊಲೀಸ್ ಅಸಿಸ್ಟೆಂಟ್ ಸಬ್ ಇನ್ಸ್ಪೆಕ್ಟರ್ ಧರಿಸುವ ಸಮವಸ್ತ್ರ ಮತ್ತು ವಕೀಲರು ಧರಿಸುವ ಕರಿಯ ಗೌನ್ ಇತ್ತು. ಇನ್ನೊಂದರಲ್ಲಿ ಪೊಲೀಸ್ ವಾಹನಗಳ ತಾರಸಿಗಳ ಮೇಲೆ ಹಾಕುವಂತಹ ಕೆಂಪುತಿರುಗು ದೀಪ, ತಲವಾರ್, ಚೂರಿ, ವಾಹನಗಳ ನಕಲಿ ಕೀಲಿಕೈಗಳ ದೊಡ್ಡ ಗೊಂಚಲು, ರವಿ ಕಪೂರ್ ಹೆಸರಿನಲ್ಲಿ ಸ್ಟಾರ್ ನ್ಯೂಸ್ ಸಂಸ್ಥೆಯ ರಿಪೋರ್ಟರ್ ಎಂಬ ನಕಲಿ ಗುರುತುಚೀಟಿ, ಮುಂತಾದವಿದ್ದವು. ಈ ಎಲ್ಲ ವಸ್ತುಗಳನ್ನೂ ವಶಪಡಿಸಿಕೊಂಡು ರವಿಯನ್ನು ಠಾಣೆಗೆ ಕರೆತಂದು ವಿಚಾರಣೆ ಮಾಡಿದಾಗ ಆತ ಹೀಗೆ ಹೇಳಿದ:
