2019ರ ಕೊನೆಯಲ್ಲಿ ಚೀನಾದಲ್ಲಿ ಪತ್ತೆಯಾದ ಕರೊನಾ ಸೋಂಕನ್ನು ‘ಹೊಸ ವೈರಾಣು’ ಎಂದು ಪರಿಗಣಿಸಲಾಯಿತು. 2002ರಲ್ಲಿ ಕಂಡು ಬಂದ ಸಾರ್ಸ್ ರೋಗಕ್ಕೆ ಕಾರಣವಾದ ವೈರಾಣುವಿನಂಥದ್ದೇ ಹೆಸರನ್ನು, ಅಂದರೆ ಸಾರ್ಸ್ ಸಿಒವಿ-2 ಎಂದು ಇಡಲಾಯಿತು. ಮನುಷ್ಯರನ್ನು ರೋಗಗ್ರಸ್ತಗೊಳಿಸುವ ಈ ವೈರಸ್, ಮಾನವರಿಗೆ ರೋಗ ತರುವ ಇತರ ವೈರಸ್ಗೆ ಹೇಗೆ ಸಂಬಂಧಪಟ್ಟಿದ್ದು ಎಂದು ನಮ್ಮನ್ನು ನಾವು ಕೇಳಿಕೊಳ್ಳಬೇಕಿತ್ತು. ಆದರೆ, ಚೀನೀಯರ ಆಹಾರದ ಭಾಗವಾದ ಯಾವ ಪ್ರಾಣಿಯಿಂದ ಈ ವೈರಸ್ ಹಬ್ಬಿರಬಹುದು ಎಂಬ ಚರ್ಚೆಗೆ ಇಳಿದೆವು. ಚೀನಿಯರು ಸ್ವತಃ ತಮ್ಮ ದೇಶದ ಜನರ ಮೇಲೆ ವೈರಸ್ ಹರಿಬಿಟ್ಟರು ಎಂದೂ ಕೆಲವರು ನಂಬಿದರು. ಇದೀಗ ಈ ವೈರಸ್ಗೆ ಲಸಿಕೆ ಕಂಡು ಹಿಡಿಯಲು ಆರಂಭಿಸಿದ ನಂತರ ಈ ವೈರಾಣು ಸಾರ್ಸ್-1 ಹಾಗೂ ಪ್ರತಿ ವರ್ಷ ನಮ್ಮನ್ನು ಬಾಧಿಸುವ ಶೀತಕ್ಕೆ ಕಾರಣವಾಗುವ ಇತರ ಬೇಟಾ-ಕರೊನಾ ವೈರಸ್ಗಳಿಗೆ ಸಂಬಂಧಿಸಿದ್ದು ಎಂಬ ಅಂಶವನ್ನು ಇದ್ದಕ್ಕಿದ್ದಂತೆ ಅಧ್ಯಯನಗಳಿಂದ ಕಂಡುಕೊಂಡಿದ್ದೇವೆ. ಹೀಗಾಗಿ, ಸಾರ್ಸ್ ಸಿಒವಿ-2 ಒಂದು ಹೊಸ ವೈರಸ್ ಅಲ್ಲವೇ ಅಲ್ಲ. ಆದರೆ ಸೀಸನಲ್ ಕೆಮ್ಮಿಗೆ ಕಾರಣವಾಗಿ ರೂಪಾಂತರಗೊಂಡು ಬೇಸಿಗೆಯಲ್ಲಿ ಮಾಯವಾಗುವ ಇತರ ವೈರಸ್ಗಳಂತೆಯೇ ಒಂದು ವೈರಸ್ ಆಗಿದೆ. ಜಗತ್ತಿನಾದ್ಯಂತ ಪಶುವೈದ್ಯರು ಬೆಕ್ಕು, ನಾಯಿ, ಹಂದಿ, ಮತ್ತು ಹಸುಗಳಿಗೆ ಹತ್ತಾರು ವರ್ಷಗಳಿಂದ ಕರೊನಾ ವೈರಸ್ಗೆ ಚಿಕಿತ್ಸೆ ನೀಡುತ್ತಿದ್ದು ಇದನ್ನೊಂದು ಹೊಸ ವೈರಸ್ ಎನ್ನುವುದನ್ನು ಸುತರಾಂ ಒಪು್ಪವುದಿಲ್ಲ.
