ಎಷ್ಟೋ ರೀತಿಯ ಔಷಧಗಳು ಅಥವಾ ಆಹಾರೌಷಧಗಳು ನೆನಪಿನ ಶಕ್ತಿ ಹೆಚ್ಚಾಗಲು ಅನುಕೂಲ ಮಾಡಿಕೊಡುತ್ತವೆ. ಉದಾಹರಣೆಗೆ ನಾವು ನಿಸರ್ಗ ಮನೆಯಲ್ಲಿ ಕೊಡುವ ಇಪಿಎ ಮತ್ತು ಡಿಎಚ್ಎಗಳನ್ನು ಹೊಂದಿರುವ ಸ್ಮಾರ್ಟ್ 3 ಮಾತ್ರೆಯನ್ನು ದಿನಕ್ಕೆರಡು ಬಾರಿಯಂತೆ ಮೂರು ತಿಂಗಳುಗಳ ಕಾಲ ಸೇವಿಸಿದರೆ ಮಕ್ಕಳ ನೆನಪಿನ ಶಕ್ತಿ ಹೆಚ್ಚಾಗಲು ಅನುಕೂಲವಾಗುತ್ತದೆ. ಬೆಳಿಗ್ಗೆ ಬ್ರಾಹ್ಮಿ ಮುಹೂರ್ತದಲ್ಲಿ ಏಳುವುದು, ಉಗುರು ಬೆಚ್ಚಗಿನ ನೀರಿನ ಸ್ನಾನ, ಹೊಟ್ಟೆಯ ಮುಕ್ಕಾಲು ಭಾಗ ಮಾತ್ರ ಊಟ ಮಾಡುವುದು, ಸಾಧ್ಯವಾದಷ್ಟು ಹಾಲು, ತುಪ್ಪ, ಹಣ್ಣು, ಒಣಹಣ್ಣು ಹೆಚ್ಚಾಗಿ ಸೇವಿಸುವುದು, ಪ್ರಾಮುಖ್ಯತೆಗೆ ಅನುಗುಣವಾಗಿ ಕೆಲಸಗಳನ್ನು ಪಟ್ಟಿ ಮಾಡಿಕೊಂಡು ಸಮಯಕ್ಕೆ ಸರಿಯಾಗಿ ಮುಗಿಸುವುದು, ರಾತ್ರಿಯ ಊಟವನ್ನು ಸ್ವಲ್ಪ ಕಡಿಮೆ ಪ್ರಮಾಣದಲ್ಲಿ ಮತ್ತು ಸಾಧ್ಯವಾದಷ್ಟು ಬೇಗ ಮುಗಿಸುವುದು, ಇವೆಲ್ಲಾ ನಮ್ಮ ನೆನಪಿನ ಶಕ್ತಿ ಮತ್ತು ಏಕಾಗ್ರತೆ ಹೆಚ್ಚಲು ಅನುಕೂಲ ಮಾಡಿಕೊಡುತ್ತವೆ.
