ಇದುವರೆಗೂ ಕಲಾವಿದರಿಗಾಗಲೀ ಅಥವಾ ಕಲಾ ಸೇವೆಯಲ್ಲಿ ನಿರತವಾಗಿರುವ ಯಾವುದೇ ಸಂಸ್ಥೆಗೆ ತಮ್ಮ ಕಲೆಯ ಕುರಿತಾದ ವಿವಿಧ ಮಾಹಿತಿಗಳನ್ನು ದಾಖಲಿಸಿ, ಅದನ್ನು ಶಾಶ್ವತವಾಗಿರಿಸಲು, ಆನ್ಲೈನ್ನಲ್ಲಾಗಲೀ ಅಥವಾ ಸುಲಭವಾಗಿ ಹಾಗೂ ಕೈಗೆಟುಕುವ ದರದಲ್ಲಿ ಯಾವುದೇ ಒಂದು ವೇದಿಕೆ ಲಭ್ಯವಿರಲಿಲ್ಲ. ಈ ರೀತಿಯ ವೇದಿಕೆಯ ಅಗತ್ಯವನ್ನು ಮನಗಂಡ ಇಂಡಿಯನ್ ಸೋನಿಕ್ ರಿಸರ್ಚ್ ಆರ್ಗನೈಸೇಶನ್ ಲೇಖಾ ಎಂಬ ಈ ದಾಖಲೀಕರಣ ವೇದಿಕೆಯನ್ನು ಅಭಿವೃದ್ಧಿ ಪಡಿಸಿದೆ. ಕಲಾ ಪ್ರಕಾರಗಳ ದಾಖಲೀಕರಣಕ್ಕೆ ಲಭ್ಯವಿರುವ ದಾಖಲೀಕರಣದ ಸಾಧನಗಳು ಬಹಳಷ್ಟು ದುಬಾರಿಯಾಗಿರುವಂಥವು. ಅಲ್ಲದೇ ಅವನ್ನು ಬಳಸುವ ಬಗೆಯೂ ಕ್ಲಿಷ್ಟಕರ. ತಮ್ಮ ಆಯ್ಕೆಯ ಕಲಾಕ್ಷೇತ್ರದಲ್ಲಿ ತಾವು ಸಾಧಿಸಿರುವುದನ್ನು ದಾಖಲಿಸಬೇಕೆಂದು ಹಂಬಲಿಸುವವರಿಗೆ ಪ್ರಸ್ತುತ ವ್ಯವಸ್ಥೆ ನಿರಾಶಾದಾಯಕವಾಗಿದೆ. ಹೀಗಾಗಿ ಗೋಥೆ ಸಂಸ್ಥೆಯ ಸಹಯೋಗದೊಂದಿಗೆ ಲೇಖಾ ಈ ಸಮಸ್ಯೆಯನ್ನು ಬಗೆಹರಿಸಲು ಮುಂದಾಗಿದೆ. ದಾಖಲೀಕರಣಕ್ಕೆ ಬಳಸಲು ಸರಳವಾಗಿರುವ, ಕೈಗೆಟುಕಬಲ್ಲ ಮತ್ತು ಎಲ್ಲರಿಗೂ ಮುಕ್ತವಾಗಿ ದೊರಕಬಲ್ಲ, ಕಲಾವಿದರ ಪ್ರತಿಕ್ರಿಯೆಗಳನ್ನು ಒಳಗೊಂಡ ಅದರಲ್ಲೂ ವಿಶೇಷವಾಗಿ ಅವರ ದಾಖಲೀಕರಣದ ಬೇಡಿಕೆಗಳಿಗೆ ಒದಗಬಲ್ಲ ಮತ್ತು ಅವರ ಅಗತ್ಯಗಳನ್ನು ಪೂರೈಸಬಲ್ಲ ಪತ್ರಾಗಾರವನ್ನು ರಚಿಸಿತು.
