ಆಗ ವ್ಯಾಪಾರಿ, ‘ರಾತ್ರಿ ಇಲ್ಲೇ ತಂಗಲು ಅನುಮತಿ ಕೊಟ್ಟರೆ ನಾಳೆ ಬೆಳಗ್ಗ್ಗೆ ಬೇಗ ನನ್ನೂರಿಗೆ ಹೋಗುತ್ತೇನೆ’ ಎಂದು ಹೇಳಿದಾಗ ಆಕೆ ಅನುಮತಿ ಕೊಟ್ಟು ಊಟ ಬಡಿಸಿ ಉಪಚರಿಸಿದಳು. ಆತಿಥ್ಯ ಸ್ವೀಕರಿಸಿದ ವ್ಯಾಪಾರಿ ಪ್ರಸನ್ನನಾದನು. ಆ ರಾತ್ರಿ ಗುಡಿಸಲಿನ ಒಂದು ಮೂಲೆಯಲ್ಲಿ ಮಲಗಿಕೊಂಡು, ಬೆಳಗಾಗುವುದರಲ್ಲಿ ಅಲ್ಲಿಂದ ಹೊರಟುಹೋದ. ನಂತರ ಮಕ್ಕಳಿಗೆ ಶ್ರೀಮಂತ ಮಲಗಿದ್ದ ಸ್ಥಳದಲ್ಲಿ ಒಂದು ಸಣ್ಣ ಕೈಚೀಲ ಕಾಣಿಸಿತು. ಆ ಕೈಚೀಲವನ್ನು ತಾಯಿಗೆ ತಂದು ತೋರಿಸಿದಾಗ, ಬೇರೊಬ್ಬರ ವಸ್ತು ಮುಟ್ಟಬಾರದೆಂದು ಮಕ್ಕಳಿಗೆ ತಿಳಿಹೇಳಿದಳು. ಅದು ಎಲ್ಲಿ ಇತ್ತೋ ಅಲ್ಲಿಯೇ ಇಡಲು ಹೇಳಿದಳು. ವರ್ಷ ಕಳೆದರೂ ಯಾರೂ ಆ ಚೀಲ ಬಿಚ್ಚಿ ನೋಡಲಿಲ್ಲ. ಆ ಸ್ಥಳ ಸ್ವಚ್ಛ ಮಾಡಿ ಮತ್ತೆ ಆ ಚೀಲವನ್ನು ಅಲ್ಲಿಯೇ ಇಡುತ್ತಿದ್ದರು. ಒಂದು ದಿನ ಅದೇ ಶ್ರೀಮಂತ ಆ ಮನೆ ಈಗ ಹೇಗಿದೆ ಎಂದು ಕುತೂಹಲದಿಂದ ಬಂದು ನೋಡಿದಾಗ, ಮತ್ತೆ ಅದೇ ಗುಡಿಸಲು, ಅದೇ ಮಕ್ಕಳು, ಅದೇ ಪ್ರೀತಿ ಕಂಡುಬಂದಿತು.
