‘ಬೆಲೆ ಬಾಳುವ ಗಿಡ, ಯಾರಿಗೂ ಕಾಣಬಾರದು’ ಎಂಬುದು ಪದೇಪದೆ ತಲೆಯೊಳಗೆ ಬಂದು, ಊಟ ನಿದ್ದೆಯ ಕಡೆಗೆ ನಿಗಾ ಇಲ್ಲದೇ ಹೆಚ್ಚಿನ ಸಮಯ ತೋಟದಲ್ಲೇ ಇರುತ್ತಿದ್ದ. ಒಂದು ದಿನ ಆ ದಾರಿಯಲ್ಲಿ ಸಾಗುತ್ತಿದ್ದ ಆರಕ್ಷಕರು ಬೇರೆ ಕಾರಣಕ್ಕೆ ಹೊಲ ಹೊಕ್ಕಾಗ ಅವರಿಗೆ ಅಲ್ಲಿ ಸಿಕ್ಕಿದ್ದು ಗಾಂಜಾ ಬೆಳೆ.! ಗಾಂಜಾ ಬೆಳೆಯುವುದು ಅಪರಾಧ ಎಂದರಿಯದ ರೈತ ತನಗರಿವಿಲ್ಲದೆಯೇ ಆರೋಪಿಯಾದ. ಶಿಕ್ಷೆ, ದಂಡ ಅನುಭವಿಸಿ, ಎಂತಹ ಮೋಸವಾಯಿತು.. ಎಂದು ಅಲವತ್ತುಕೊಂಡು ಇನ್ನು ಮುಂದೆ ಇಂತಹ ತಪ್ಪು ಮಾಡಬಾರದು ಎಂದುಕೊಡ. ಮಾರನೆಯ ದಿನವೇ ಆತನ ಮನೆಗೆ ಇನ್ನಿಬ್ಬರು ಬಂದು ‘ನೀನು ಗಾಂಜಾ ಬೆಳೆಯುವುದನ್ನು ಮುಂದುವರಿಸು. ಆರಕ್ಷಕರು ನಿನ್ನ ಬಳಿ ಸುಳಿಯದಂತೆ ನಾವು ನೋಡಿಕೊಳ್ಳುತ್ತೇವೆ. ಜೊತೆಗೆ ನಿನಗೆ ಹೆಚ್ಚಿಗೆ ಹಣ ನೀಡುತ್ತೇವೆ’ ಎಂದರು. ರೈತ ಒಪ್ಪದೇ ಹೋದಾಗ ‘ನೀನು ಒಮ್ಮೆ ತಪ್ಪು ಮಾಡಿ ಸಿಕ್ಕಿಬಿದ್ದಿದ್ದಿಯಾ. ನೀನು ಈಗ ಸರಿದಾರಿಯಲ್ಲೇ ಇದ್ದರೂ, ಜಗತ್ತು ನಿನ್ನನ್ನು ಅಪರಾಧಿಯೆಂದೇ ಕರೆಯುತ್ತದೆ. ಹಾಗಾಗಿ ಇದನ್ನೇ ಮುಂದುವರಿಸಿದರೆ ಹಣವಾದರೂ ಬರುತ್ತದೆ..’ ಎಂದು ಮನವೊಲಿಸಲು ಯತ್ನಿಸಿದರು. ಆಗ ರೈತ ’ಲೋಕವು ನನ್ನ ಕುರಿತು ಏನೇ ಅಂದುಕೊಳ್ಳಲಿ. ಆಗ ನಾನು ತಿಳಿಯದೇ ತಪ್ಪು ಮಾಡಿದೆ. ಈಗ ಅರಿವಿನ ಮನೆ ಹೊಕ್ಕಿದ್ದೇನೆ. ತಿಳಿದೂ ಮತ್ತೆ ತಪ್ಪು ಮಾಡಲಾರೆ. ದಯವಿಟ್ಟು ಹೊರಡಿ..’ ಎಂದನು.
