ಒಂದು ದಿನ ಜ್ಯೋತಿಷಿಯ ಬಳಿ ಬಂದು, ತನ್ನ ಭವಿಷ್ಯ ನುಡಿಯಬೇಕೆಂದು ಕೇಳಿಕೊಂಡ. ಆದರೆ, ‘ನನ್ನ ಬಳಿ ಇರೋದು ಒಂದು ಪೆನ್ನಿ ಮಾತ್ರ. ನಿಮಗೆ ಅಷ್ಟನ್ನೇ ಕೊಡಬಲ್ಲೆ’ ಎಂದ. ಒಂದು ಪೆನ್ನಿಯನ್ನಾದರೂ ಏಕೆ ಬಿಡಬೇಕೆಂದು ಯೋಚಿಸಿದ ಆ ಜಿಪುಣ, ಪೆನ್ನಿಯನ್ನು ಪಡೆದು ಬಾಲಕನ ಹಸ್ತರೇಖೆಗಳನ್ನು ನೋಡಲಾರಂಭಿಸಿದ. ನೋಡುತ್ತಿದ್ದಂತೆ ಅವನ ಮುಖ ಅರಳಲಾರಂಭಿಸಿತು. ಕಾರಣ ಅಂತಹ ಅದ್ಭುತ ಭವಿಷ್ಯ ಹೊಂದಿರುವ ಕೈಯನ್ನು ಅವನು ಅಲ್ಲಿಯವರೆಗೆ ನೋಡಿಯೇ ಇರಲಿಲ್ಲ. ಬಾಲಕನ ಕೈಯಲ್ಲಿ ಅತ್ಯಂತ ವೀರ-ಧೀರ ಚಕ್ರವರ್ತಿಯಾಗುವ ಎಲ್ಲ ಲಕ್ಷಣಗಳಿದ್ದವು. ಅದರೂ ಕೇವಲ ಒಂದೇ ಪೆನ್ನಿಗೆ, ಇಂತಹ ದೊಡ್ಡ ಭವಿಷ್ಯವನ್ನು ಹೇಳೋದು ಸರಿ ಹೋಗದು ಎಂದು ಯೋಚಿಸಿ, ಸುಮ್ಮನೆ ಒಂದು ಲೋಪದೋಷ ಹೇಳುವ ನೆಪದಲ್ಲಿ, ‘ಬಾಲಕನೇ ನಿನ್ನ ಹಸ್ತರೇಖೆಗಳೇನೋ ಅದ್ಭುತ. ಎಲ್ಲ ಒಳ್ಳೆಯ ಲಕ್ಷಣಗಳಿವೆ. ಆದರೆ...’ ‘ಏನು ಆದರೆ?’ ಬಾಲಕ ಕೇಳಲಾಗಿ ಜ್ಯೋತಿಷಿ ಹೇಳಿದ, ‘ನಿನ್ನ ಕೈಯಲ್ಲಿ ಇನ್ನೊಂದು ರೇಖೆ ಇರುತ್ತಿದ್ದರೆ ನೀನು ಚಕ್ರವರ್ತಿಯೇ ಆಗುತ್ತಿದೆ’. ‘ಯಾವ ರೇಖೆ?’ ಎಂದು ಕೇಳಿದಾಗ, ಆತ ಬಾಲಕನ ಕೈ ಮೇಲೆ ಯಾವುದೋ ಒಂದು ಜಾಗ ತೋರಿಸಿ, ‘ಇಲ್ಲಿ ಆ ರೇಖೆ ಇರಬೇಕಾಗಿತ್ತು’ ಎಂದ. ತಕ್ಷಣವೇ ಆ ಬಾಲಕ, ಜೇಬಿನಿಂದ ಚೂರಿ ತೆಗೆದು ಜ್ಯೋತಿಷಿ ಹೇಳಿದ ಜಾಗದಲ್ಲಿ ಗೆರೆ ಎಳೆದುಕೊಂಡು, ರಕ್ತಸಿಕ್ತವಾದ ಕೈ ತೋರಿಸುತ್ತ, ನಗು-ನಗುತ್ತಾ ಕೇಳಿದ- ‘ಈಗ?’
