ತಂದೆ-ತಾಯಿ, ಗುರು-ಹಿರಿಯರು ಕೊಡುವಷ್ಟು ಒಳ್ಳೆಯದನ್ನು ಜಗತ್ತಿನಲ್ಲಿ ಬೇರಾರೂ ಕೊಡಲು ಸಾಧ್ಯವಿಲ್ಲ. ಅದಕ್ಕೆ ಪ್ರತಿಯಾಗಿ ಅವರು ಅಪೇಕ್ಷಿಸುವುದು ನಮ್ಮ ಶ್ರದ್ಧೆಯನ್ನು ಮಾತ್ರ. ಈಗಿನ ಯುವಪೀಳಿಗೆ ತೀಕ್ಷ್ಣ ಬುದ್ಧಿಮತ್ತೆ ಜೊತೆ ಕಷ್ಟಸಹಿಷ್ಣುಗಳೂ ಆಗಿದ್ದಾರೆ. ತತ್ಪಲವಾಗಿ ಅವರಿಗೆ ಐಹಿಕ ಸುಖಭೋಗಗಳೂ ದೊರೆತಿವೆ. ಇವು ಹಿಂದಿನವರಿಗೆ ಕನಸಿನ ಮಾತಾಗಿದ್ದವು. ಆದರೆ ಸಾಂಸಾರಿಕ ಮಹತ್ವದ ನಿರ್ಣಯಗಳನ್ನು ತೆಗೆದುಕೊಳ್ಳಬೇಕಾದರೆ ಹಿರಿಯರನ್ನು ಸೌಜನ್ಯಕ್ಕೂ ಲೆಕ್ಕಿಸದೆ ತಮ್ಮ ಬುದ್ಧಿ ಮೇಲಿನ ಅತಿಯಾದ ನಂಬಿಕೆಯಿಂದ ಅವರನ್ನು ಧಿಕ್ಕರಿಸಿ ಯಾರು ನಡೆದಿದ್ದಾರೋ ಅವರು ಹತಾಶೆ, ಖಿನ್ನತೆ, ವ್ಯಸನ, ಆತ್ಮಹತ್ಯೆಗಳಂಥ ಅಧಃಪತನಕ್ಕೆ ಈಡಾಗಿದ್ದಾರೆ. ಯಾರು ಅವರಲ್ಲಿ ಶ್ರದ್ಧೆ ಇರಿಸಿ ಸಮನ್ವಯ ಸಾಧಿಸಿದ್ದಾರೋ ಅವರು ಯಶಸ್ವಿಯಾಗಿ, ಸುಖಿಗಳಾಗಿದ್ದಾರೆ.
