ಹೌದು, ಆತ್ಮವಿಶ್ವಾಸ ತುಂಬುವುದು ಎಲ್ಲಕ್ಕೂ ಮಿಗಿಲಾದ ದಿವ್ಯೌಷಧ! ಗಹನವಾದ ಸಾಧನೆ ಒಂದೇ ಪ್ರಯತ್ನದಲ್ಲಿ ಪೂರ್ಣಗೊಳ್ಳುವುದು ಕಷ್ಟ. ವಿಫಲಗೊಂಡ ಮೇಲೂ ಮತ್ತೆ ಸಾಧಿಸುವ ಪ್ರಯತ್ನ ನಡೆದರೆ ಯಶಸ್ಸು ನಿಶ್ಚಿತ. ಸೋತಾಗ ಅವಮಾನಿಸುವುದು, ನಿನ್ನಿಂದಾಗದೆಂದು ಹೀಯಾಳಿಸುವುದಲ್ಲ. ಒಂದು ಸೋಲು ಮುಂದಿನ ವಿಜಯದ ಮೆಟ್ಟಿಲಾಗುವುದು. ಸೋತ ಮೇಲೂ ಮತ್ತೆ ಸಾಧಿಸುತ್ತೇನೆಂಬ ವಿಶ್ವಾಸ ಮುಖ್ಯ. ಸೋತವನಿಗೆ ಆತ್ಮವಿಶ್ವಾಸ ತುಂಬುವುದು ಅದಕ್ಕಿಂತ ಮುಖ್ಯ. ಅದನ್ನೇ ಸ್ವಾಮಿ ವಿವೇಕಾನಂದರು ಹೇಳಿದ್ದು- ‘ಶ್ರದ್ಧೆ, ಸಹನೆ, ಸತತ ಪ್ರಯತ್ನ ಇವು ಮೂರು ಜಯ ಸಾಧಿಸಲು ಅಗತ್ಯವಾಗಿ ಬೇಕಾಗುವ ಸಾಧನಗಳು. ಇದರೊಂದಿಗೆ ಆತ್ಮವಿಶ್ವಾಸ ಇದ್ದರೆ ಮಾತ್ರ ವಿಜಯ ನಮಗೆ ಒಲಿಯುತ್ತದೆ’ ಎಂದು. ಅಂಥ ಆತ್ಮವಿಶ್ವಾಸವನ್ನು ಇತರರಲ್ಲಿ ತುಂಬುವ, ನಮ್ಮ ವ್ಯಕ್ತಿತ್ವದಲ್ಲೂ ಅಳವಡಿಸಿಕೊಳ್ಳುವ ಪ್ರಯತ್ನವಾಗಲಿ.
