ಒಂದು ನಿಮಿಷದಲ್ಲಿ ಬದುಕು ಬದಲಾಗುತ್ತದೆ ಅಂತ ಹೇಳೋಕಾಗಲ್ಲ, ಆದರೆ ಕ್ಷಣದಲ್ಲಿ ತೆಗೆದುಕೊಂಡ ನಿರ್ಧಾರ ಚರಿತ್ರೆಯನ್ನೇ ಸೃಷ್ಟಿಸುತ್ತದೆ. ವಯೋಮಾನದಿಂದ ಹಿರಿಯರಾದರೆ ಸಾಲದು, ಅದಕ್ಕೆ ತಕ್ಕಂತೆ ವ್ಯಕ್ತಿತ್ವ, ಅನುಭವ, ಸಂಹಿತೆ, ಸಹಿಷ್ಣುತೆ, ಔದಾರ್ಯ, ದಯೆ, ಸಂಸ್ಕಾರವಂತ ಗುಣಗಳು ಇರಬೇಕು. ಆಗ ವ್ಯಕ್ತಿಯ ಘನತೆ, ಗೌರವ ಹೆಚ್ಚಿ, ಹೆಸರು, ಕೀರ್ತಿ ತಾನಾಗಿಯೇ ಬರುತ್ತದೆ. ಅರಿವು ದೊಡ್ಡದಲ್ಲ; ಆಚಾರ ದೊಡ್ಡದು, ಅಧಿಕಾರ ದೊಡ್ಡದಲ್ಲ; ಅಭಿಮಾನ ದೊಡ್ದದು, ಸನ್ಮಾನ ದೊಡ್ಡದಲ್ಲ; ಸಂಸ್ಕಾರ ದೊಡ್ಡದು. ಹಣ ದೊಡ್ಡದಲ್ಲ; ಗುಣ ದೊಡ್ಡದು. ಹಣ ಎಂದರೆ ಉಪ್ಪು ಇದ್ದಂತೆ. ಅದನ್ನು ತುಸು ನಾಲಿಗೆಯೇ ಮೇಲಿರಿಸಿಕೊಂಡರೆ ರುಚಿ, ಹೆಚ್ಚಾದರೆ ದಾಹ ಹೆಚ್ಚುತ್ತದೆ.
