‘ಮನಿಕೆ ಮಗೆ ಹಿತೆ ಮುದುವೆ ನುರಾ ಹಂಗುಮ್ ಯಾವಿ ಅವಿಲೇವಿ.....’ ಯೂಟ್ಯೂಬ್ನಲ್ಲಿ ಸಿಂಹಳಿ ಭಾಷೆಯ ಈ ಹಾಡು ಮೂಡಿಸಿದ ಸಂಚಲನ ಅದ್ಭುತವಾದುದು. ಯೊಹಾನಿ ಎಂದೇ ಜನಪ್ರಿಯರಾಗಿರುವ 28 ವರ್ಷದ ಯುವತಿ ಈ ಹಾಡಿನ ಗಾಯಕಿ. ಯೊಹಾನಿ ದಿಲೋಕಾ ಡಿಸಿಲ್ವಾ ಎಂಬುದು ಪೂರ್ಣ ಹೆಸರು. ಶ್ರೀಲಂಕಾದ ಈ ಗಾಯಕಿಯು ಕವಯಿತ್ರಿ, ರ್ಯಾಪರ್, ಮ್ಯೂಸಿಕ್ ಪ್ರೊಡ್ಯೂಸರ್, ಯೂಟ್ಯೂಬರ್ ಕೂಡ ಹೌದು. ನಶೆ ಏರಿಸುವ ಕಂಠದಲ್ಲಿ ಹಾಡಿದ ಈ ಹಾಡನ್ನು ಕೆಲವು ತಿಂಗಳ ಹಿಂದೆಯೇ ಯೂಟ್ಯೂಬ್ಗೆ ಅಪ್ಲೋಡ್ ಮಾಡಲಾಗಿದೆ. ಇದು ಇತ್ತೀಚೆಗಷ್ಟೇ ಭಾರತದಲ್ಲಿ ಬಾಲಿವುಡ್ ಸೆಲೆಬ್ರಿಟಿಗಳ ಗಮನಸೆಳೆದಿತ್ತು. ಅವರು ಅದನ್ನು ಶೇರ್ ಮಾಡಿದ ನಂತರದಲ್ಲಿ ಯೂಟ್ಯೂಬ್ನಲ್ಲಿ ‘ಮನಿಕೆ ಮಗೆ ಹಿತೆ...’ ಮೂಡಿಸಿದ ಸಂಚಲನ ಸ್ವತಃ ಯೊಹಾನಿ ಮತ್ತು ಅವರ ತಂಡವನ್ನು ದಿಗ್ಭ್ರಮೆಗೆ ಕೆಡವಿದೆ.
