ಹಟ್ಟಿ, ಹಾಡಿ, ತಾಂಡ, ಹಳ್ಳಿ, ಪುರ, ಪಟ್ಟಣ, ನಗರ,- ಕರುನಾಡ ಯಾವುದೇ ಊರಿನ ಕೋಟೆಹೆಬ್ಬಾಗಿಲು, ಊರ ಬಾಗಿಲ ಬಳಿ ಹನುಮಗುಡಿ ಇರುತ್ತದೆ. ಮಾರುತಿ, ಹನುಮಂತ, ಸಂಜೀವಿನಿರಾಯ, ಹುಚ್ಚೂರಾಯ ಮುಂತಾದ ಹಲವು ಹೆಸರುಗಳಲ್ಲಿ ಬಹುರೂಪಿಯಾಗಿ ಪ್ರೀತಿಯ ದೈವವಾಗಿ ಜನಪ್ರಿಯನಾಗಿದ್ದಾನೆ. ಹಳ್ಳಿಗಳ ಕೂಟ ಬೆಂಗಳೂರು ವಿಸ್ತಾರಗೊಂಡಂತೆ, ಹಿಂದಿನ ಗುಡಿಗಳ ಜೊತೆಗೆ ಎಂಟು ದಿಕ್ಕುಗಳಲ್ಲೂ ಚಿಕ್ಕ ಪುಟ್ಟ ಗುಡಿಗಳೂ, ದೊಡ್ಡ ದೇವಸ್ಥಾನಗಳೂ ನಿರ್ವಿುತವಾಗಿವೆ. ಹುಚ್ಚೂರಾಯಪ್ಪ ಮುಂತಾದ ಹೆಸರಿಗೆ ಗೌಡ, ಶೆಟ್ಟಿ, ನಾಯ್ಕ, ರೆಡ್ಡಿ ಮುಂತಾದ ಕುಲದ ಹೆಸರನ್ನು ಸೇರಿಸಿಯೂ ಇಡುತ್ತಿದ್ದರು. ಈಗ ಪವನಸುತ, ಅನಿಲಕುಮಾರ ಮುಂತಾಗಿ ಕಾಲಕ್ಕೆ ತಕ್ಕ ಹೆಸರಿಡುವಿಕೆ ಮುಂದುವರಿದಿದೆ.
