ಆಗ ಯುವಕ, ‘ನನಗೆ ಒಂದಷ್ಟು ಲಾಟರಿ ಹೊಡೆಯುವಂತೆ ಮಾಡಿ. ಹಾಗೆ ಬಂದ ಹಣದಲ್ಲಿ ನನ್ನ ಬದುಕನ್ನು ರೂಪಿಸಿಕೊಳ್ಳುತ್ತೇನೆ’ ಎಂದು ಕೇಳಿದ. ‘ಸರಿ, ನಿನ್ನಿಷ್ಟದಂತೆ ಆಗಲಿ. ಪರಿಶುದ್ಧ ಮನಸ್ಸಿನಿಂದ ದೇವರನ್ನು ಪ್ರಾರ್ಥಿಸು. ಖಂಡಿತವಾಗಿಯೂ ಲಾಟರಿ ಹೊಡೆಯುತ್ತದೆ. ಬದುಕಿಗೆ ಅಗತ್ಯವಾದಷ್ಟು ಹಣ ನಿನಗೆ ಸಿಗುತ್ತದೆ’ ಎಂದು ಹೇಳಿ ಅಲ್ಲಿಂದ ಹೊರಟರು. ಆ ಯುವಕ ದಿನವೂ ದೇವರನ್ನು ಪ್ರಾರ್ಥಿಸಿದ. ದಿನ, ವಾರ, ತಿಂಗಳು ಸರಿದವು. ಯಾವುದೇ ಲಾಟರಿ ಹೊಡೆಯಲೇ ಇಲ್ಲ. ತುಂಬ ನಿರಾಶನಾದ. ಆ ಸಂತರನ್ನೇ ದೂಷಿಸುತ್ತ, ‘ನನಗೆ ಮೋಸ ಮಾಡಿದರು’ ಎಂದೆಲ್ಲ ಹೇಳತೊಡಗಿದ. ಕೆಲವು ದಿನಗಳ ನಂತರ ಸಂತರು ಅದೇ ಊರಿಗೆ ಮರಳಿದರು. ತುಂಬ ವ್ಯಗ್ರನಾಗಿದ್ದ ವ್ಯಕ್ತಿ ಅವರನ್ನು ಹಿಂದೆಮುಂದೆ ನೋಡದೇ ದೂಷಿಸಿದ. ಸಂತರು ಒಂದಷ್ಟು ಕಾಲ ಸುಮ್ಮನೇ ಇದ್ದರು. ಅವನು ಕೊಂಚ ಸಮಾಧಾನವಾದ ನಂತರ, ‘ನೀನು ಖರೀದಿಸಿದ ಲಾಟರಿ ಟಿಕೆಟ್ ತೋರಿಸಪ್ಪ’ ಎಂದರು. ವ್ಯಕ್ತಿಗೆ ತನ್ನ ತಪ್ಪಿನ ಅರಿವಾಗಿತ್ತು. ಅವನು ಲಾಟರಿ ಟಿಕೆಟ್ ಖರೀದಿಸುವುದನ್ನೇ ಮರೆತಿದ್ದ.
