ಒಂದು ನಗರದಲ್ಲಿ ಪ್ರಖ್ಯಾತ ವರ್ಣಚಿತ್ರಕಾರನಿದ್ದ. ಆತ ಬಿಡಿಸಿದ ಚಿತ್ರಗಳನ್ನು ನೋಡಲು ಬರುತ್ತಿದ್ದ ಜನ, ಅವುಗಳನ್ನು ಬಾಯ್ತುಂಬ ಹೊಗಳಿ, ಪ್ರಶಂಸಿಸುತ್ತಿದ್ದರು. ತನ್ನ ಪ್ರತಿಭೆ ಬಗ್ಗೆ ಜನರಿಗಿರುವ ಒಳ್ಳೆಯ ಅಭಿಪ್ರಾಯ ಕೇವಲ ಬೂಟಾಟಿಕೆಯದೋ ಅಥವಾ ಸಹಜವಾದದ್ದೋ ಎಂದು ತಿಳಿದುಕೊಳ್ಳುವ ಕುತೂಹಲವುಂಟಾಗಿ ಒಂದು ನಿರ್ಧಾರಕ್ಕೆ ಬಂದ. ನಗರದ ಜನನಿಬಿಡ ಪ್ರದೇಶದ ಕಂಬಕ್ಕೆ ಉತ್ತಮವಾದ ವರ್ಣಚಿತ್ರ ಅಂಟಿಸಿ, ಅದರ ಕೆಳಗೆ, ‘ಈ ಚಿತ್ರದಲ್ಲಿ ಏನಾದರೂ ತಪ್ಪು ಕಂಡುಬಂದರೆ ಆ ಜಾಗದಲ್ಲಿ ಗುರುತು ಹಾಕಿ’ ಎಂದು ಬರೆದ. ಜನರೆಲ್ಲ ಅದನ್ನು ಕಂಡು ಪ್ರತಿಕ್ರಿಯೆ ನೀಡಿದರು. ಜನರ ತೀರ್ಪು ಏನಿರಬಹುದೆಂದು ತಿಳಿಯಲು ಈತ ಮರುದಿನ ಅದೇ ಜಾಗಕ್ಕೆ ಹೋದ. ಆ ಚಿತ್ರದ ಮೇಲೆ ನೂರಾರು ಗುರುತುಗಳಾಗಿದ್ದವು. ಜನರಿಗೆ ತನ್ನ ಪ್ರತಿಭೆಯ ಮೇಲಿದ್ದ ನಕಾರಾತ್ಮಕ ಅಭಿಪ್ರಾಯ ಅರಿತ ಕಲಾವಿದ ಆತ್ಮವಿಶ್ವಾಸವನ್ನೇ ಕಳೆದುಕೊಂಡು, ತನ್ನ ಪ್ರತಿಭೆಯನ್ನೇ ದ್ವೇಷಿಸತೊಡಗಿದ.
