ಜಗದ್ಗುರು ಸಿದ್ಧತೋಟೇಂದ್ರ ಶ್ರೀಗಳು: ಲಿಂ. ತೋಟೇಂದ್ರ ಶಿವಾಚಾರ್ಯರು ತಾವು ಒಂದು ವರ್ಷದ ನಂತರ ಇದೇ ದಿನ ನಾಲವಾರದ ದಂಪತಿ ಗೌರಮ್ಮ-ಗುರುಸಿದ್ಧಯ್ಯನವರ ಮಗನಾಗಿ ಜನಿಸುವುದಾಗಿ 1963ರ ಆಶ್ವಯುಜ ಶುಕ್ಲ ನವಮಿಯಂದು ಹೇಳಿದ್ದರು. ಅದರಂತೆ 1964ರಲ್ಲಿ ಆಶ್ವಯುಜ ಶುಕ್ಲ ನವಮಿಯಂದೇ ಡಾ. ಸಿದ್ಧತೋಟೇಂದ್ರ ಶ್ರೀಗಳು ಜನಿಸಿದರು. 11ನೇ ವಯಸ್ಸಿನಲ್ಲಿ ಪಟ್ಟಾಧಿಕಾರ ಸ್ವೀಕರಿಸಿದರು. ಮಠಾಧೀಶರಾಗಿ ಕೇವಲ ಪೂಜೆ, ಆಶೀರ್ವಾದಕ್ಕೆ ಸೀಮಿತರಾಗದೆ ಸಾಮಾಜಿಕ, ಶೈಕ್ಷಣಿಕ, ಧಾರ್ವಿುಕ, ಸಾಹಿತ್ಯ, ಕಲೆಗಳಿಗೆ ಆಶ್ರಯ ನೀಡುತ್ತಿದ್ದಾರೆ. 34 ವರ್ಷಗಳಿಂದ ಪ್ರತಿ ಅಮಾವಾಸ್ಯೆಯಂದು ಶಿವಾನುಭವ ಚಿಂತನ ಕಾರ್ಯಕ್ರಮವನ್ನು ನಡೆಸಿಕೊಂಡು ಬರುತ್ತಿದ್ದಾರೆ. ಸೇವೆ ಸಲ್ಲಿಸಿದ ಭಕ್ತರಿಗೆ ಶಿವಾನುಭವ ಚೇತನ ಹಾಗೂ ರಾಷ್ಟ್ರ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸಾಧನೆ ಮಾಡಿದ ಮಹನೀಯರಿಗೆ ಸಿದ್ಧತೋಟೇಂದ್ರ ಪ್ರಶಸ್ತಿ ನೀಡಿ ಗೌರವಿಸುತ್ತಿದ್ದಾರೆ.
