ಒಂದಂತೂ ಸತ್ಯ. ಜನಸಂಖ್ಯೆ ದಿನದಿಂದ ದಿನಕ್ಕೆ ಕಡಿಮೆಯಾಗುವುದಿಲ್ಲ. ಜನಸಂಖ್ಯೆ ಬೆಳೆದಷ್ಟು ಆಹಾರ ಪೂರೈಕೆ ಜಾಸ್ತಿಯಾಗಬೇಕು. ಅಷ್ಟು ಜನರಿಗೆ ಆಹಾರ ಪೂರೈಸಬೇಕಾದರೆ ಹೆಚ್ಚು ಹೆಚ್ಚು ಬೆಳೆಯಬೇಕು. ಹೆಚ್ಚು ಹೆಚ್ಚು ಬೆಳೆಯಲು ರೈತರ ಸಂಖ್ಯೆ ಜಾಸ್ತಿಯಾಗಬೇಕು. ಇದು ಪ್ರಕೃತಿಯ ನಿಯಮ. ಸದ್ಯದ ಪರಿಸ್ಥಿತಿಯಲ್ಲಿ ರೈತರ ಮಕ್ಕಳಿಗೆ ಹೆಣ್ಣು ಕೊಡದ ಕಾರಣ ಮದುವೆಯಾಗುವ ಉದ್ದೇಶದಿಂದಲೇ ಕೃಷಿ ಬಿಟ್ಟು ನಗರ ಪ್ರದೇಶಗಳಲ್ಲಿ ಕಾರ್ಖಾನೆ, ಹೋಟೆಲ್, ಫೈನಾನ್ಸ್ ಕಂಪನಿಗಳಿಗೆ ಕೆಲಸಕ್ಕೆ ಸೇರುವವರ ಸಂಖ್ಯೆ ಹೆಚ್ಚಾಗುತ್ತಿದೆ. ಆದರೂ ‘ಖಾಸಗಿ ನೌಕರಿ’ ಎನ್ನುವ ಕಾರಣಕ್ಕೆ ಮದುವೆಯಾಗಲು ಸಾಧ್ಯವಾಗುತ್ತಿಲ್ಲ. ರೈತರ ಸಂಖ್ಯೆ ಹೆಚ್ಚುವ ಬದಲು ತುಂಬ ಕಡಿಮೆಯಾಗುತ್ತಿರುವುದು ವಿಪರ್ಯಾಸವೇ ಸರಿ. ಇರುವ ಕೃಷಿ ಭೂಮಿಗಳೆಲ್ಲ ಸೈಟು, ಕಾರ್ಖಾನೆ, ಕ್ಲಷರ್ಗಳಾಗಿ, ಕೃಷಿಯೇತರ ಚಟುವಟಿಕೆಗಳಿಗೆ ಬಳಕೆಯಾಗುತ್ತಿರುವುದು ದುರದೃಷ್ಟಕರ. ರಾಸಾಯನಿಕ ಗೊಬ್ಬರ ಬಳಸಿ ಕಡಿಮೆ ಭೂಮಿಯಲ್ಲಿ ಹೆಚ್ಚು ಬೆಳೆದು ಆರೋಗ್ಯದ ಸಮಸ್ಯೆಗಳು ಸೃಷ್ಟಿಯಾಗುತ್ತಿರುವುದು ಕಾಣುತ್ತಿದ್ದರೂ ಏನೂ ಕಾಣದಂತೆ ಜಾಣಕುರುಡರಾಗಿ ಬದುಕುತ್ತಿರುವುದು ನಮ್ಮ ಮನುಕುಲದ ಅವನತಿಯ ಪ್ರಾಥಮಿಕ ಅಂತ.
