ಲ್ಯಾಟಿನ್ ಅಮೆರಿಕದ ಟ್ರಿನಿಡಾಡ್ ಮತ್ತು ಟೊಬ್ಯಾಗೋ ಹಾಗೂ ಫ್ರೆಂಚ್ ಗಯಾನಾ ಜತೆಗೆ ಯೂರೋಪಿಯನ್ ದೇಶಗಳಾದ ಫ್ರಾನ್ಸ್, ಬೆಲ್ಜಿಯಂ, ನೆದರ್ಲ್ಯಾಂಡ್, ಸ್ವಿಜರ್ಲ್ಯಾಂಡ್, ಡೆನ್ವಾರ್ಕ್, ಆಸ್ಟ್ರಿಯಾ ಮತ್ತು ಬಲ್ಗೇರಿಯಾ; ಆಫ್ರಿಕನ್ ದೇಶಗಳಾದ ಮಾರಿಟಾನಿಯಾ ಮತ್ತು ರಿಪಬ್ಲಿಕ್ ಆಫ್ ಕಾಂಗೋ; ಏಷ್ಯನ್ ರಾಷ್ಟ್ರಗಳಾದ ತಾಜಿಕಿಸ್ತಾನ್ ಮತ್ತು ಶ್ರೀಲಂಕಾಗಳು ಹಿಜಾಬ್ ಮತ್ತು ಬುರ್ಕಾವನ್ನು ಎಲ್ಲ ಸಾರ್ವಜನಿಕ ಸ್ಥಳಗಳಲ್ಲಿ ನಿಷೇಧಿಸಿವೆ. ಇವುಗಳಲ್ಲಿ ಶ್ರೀಲಂಕಾ ನಮ್ಮ ನೆರೆಯ ದೇಶವಾದರೆ ತಾಜಿಕಿಸ್ತಾನ್ ಮುಸ್ಲಿಂ ರಾಷ್ಟ್ರ ಮತ್ತು 1991ರವರೆಗೂ ಕಮ್ಯೂನಿಸ್ಟ್ ಸೋವಿಯತ್ ಯೂನಿಯನ್ನ ಭಾಗವಾಗಿತ್ತು ಎನ್ನುವುದು ಗಮನಿಸಬೇಕಾದ ಅಂಶ. ವಿವಾದಿತ ಉಡುಪನ್ನು ಕೆಲವು ಸ್ಥಳಗಳಲ್ಲಿ ಪೂರ್ಣ ಅಥವಾ ಭಾಗಶಃ ನಿಷೇಧಿಸಿರುವ ದೇಶಗಳ ಪಟ್ಟಿಯಲ್ಲಿ ಕೆನಡಾ, ಸ್ಪೇಯ್್ನ ಜರ್ಮನಿ, ಇಟಲಿ, ರಷ್ಯಾ, ನೈಜರ್, ಕ್ಯಾಮೆರೂನ್ ಮತ್ತು ಚೀನಾಗಳಿವೆ. ನಾರ್ವೆ ಮತ್ತು ಸ್ವೀಡನ್ಗಳ ಜತೆ ಮುಸ್ಲಿಂ ದೇಶಗಳಾದ ತುರ್ಕಿ, ಅಲ್ಜೀರಿಯಾ, ಈಜಿಪ್ಟ್, ಅಜರ್ಬೈಜಾನ್ ಮತ್ತು ಬೋಸ್ನಿಯಾಗಳೂ ಕೆಲವು ಸಾರ್ವಜನಿಕ ಕಟ್ಟಡಗಳು ಮತ್ತು ಸಾರ್ವಜನಿಕ ಸೇನಾಸ್ಥಳಗಳಲ್ಲಿ ನಿಷೇಧಿಸಿರುವುದು ಆಸಕ್ತಿಕರ. ಮುಸ್ಲಿಂ ದೇಶವಾದ, ಮುಸ್ಲಿಂ ದೇಶಗಳ ಸಂಘಟನೆಯ ಮೊದಲ ಅಧಿವೇಶನವನ್ನು ಆಯೋಜಿಸಿದ ಮೊರಾಕ್ಕೊ ಮತ್ತದರ ನಿಯಂತ್ರಣದಲ್ಲಿರುವ ಪಶ್ಚಿಮ ಸಹಾರಾದಲ್ಲಿ ಹಿಜಾಬ್ ಮತ್ತು ಬುರ್ಕಾಗಳ ಉತ್ಪಾದನೆ ಮತ್ತು ಮಾರಾಟದ ಮೇಲೇ ನಿಷೇಧವಿದೆ!
