ಈಗ ಹೇಳಿ, ಗುಜರಾತ್ ಹೊತ್ತಿ ಉರಿಯುತ್ತಿದ್ದಾಗ ನಿದ್ದೆ ಮಾಡುತ್ತಿದ್ದವರು ಯಾರು? ಜತೆಗೆ ಇನ್ನೊಂದಿಷ್ಟು ಪ್ರಶ್ನೆಗಳು- ಪೂರ್ವಯೋಜನೆಯಂತೆ ಸಬರ್ವುತಿ ಎಕ್ಸ್ಪ್ರೆಸ್ಗೆ ಬೆಂಕಿ ಹಚ್ಚಿದವರು ಕಾಂಗ್ರೆಸ್ ಬೆಂಬಲಿತ ಘಾಂಚಿ ಮುಸ್ಲಿಮರು. ನಂತರ ಅವರಲ್ಲಿ ಹಲವರು ಪಾಕಿಸ್ತಾನಕ್ಕೆ ಓಡಿಹೋಗಿ ಆಶ್ರಯ ಪಡೆದರು. ಕಾಂಗ್ರೆಸ್ಗೂ, ಪಾಕಿಸ್ತಾನಕ್ಕೂ ರಹಸ್ಯ ಸಂಪರ್ಕವಿಲ್ಲದೇ ಇದು ಸಾಧ್ಯವಿತ್ತೇ? ರಾಜ್ಯದ ಕಾಂಗ್ರೆಸ್ ನೇತಾರರು, ಕಾರ್ಯಕರ್ತರು ಗಲಭೆಯ ಹರಡುವಿಕೆಯಲ್ಲಿ ಪಾತ್ರ ವಹಿಸಿದ್ದರ ಜತೆಗೆ ಹೊರ ರಾಜ್ಯಗಳ ಕಾಂಗ್ರೆಸ್ ಸರ್ಕಾರಗಳು ಹಿಂಸಾಚಾರ ನಿಯಂತ್ರಿಸಲು ಸಹಕರಿಸದೇ ಹೋದದ್ದರಲ್ಲಿ ಕಾಂಗ್ರೆಸ್ ಹೈಕಮಾಂಡ್ನ ಪಾತ್ರವಿರಲಿಲ್ಲವೇ? ಇಷ್ಟೆಲ್ಲಾ ಆದ ಮೇಲೆ ಇಡೀ ಹಿಂಸಾಚಾರಕ್ಕೆ ಮೋದಿಯವರನ್ನು ನೇರವಾಗಿ ಜವಾಬ್ದಾರರನ್ನಾಗಿಸಿ ಅಪಪ್ರಚಾರ ಆರಂಭಿಸಿದ್ದರಲ್ಲಿ ಯಾವ ಪೂರ್ವಯೋಜಿತ ಕಾರ್ಯಯೋಜನೆಯೂ ಇರಲಿಲ್ಲವೇ? ಅಥವಾ ಗುಜರಾತ್ ಕೋಮು ಹಿಂಸಾಚಾರ ಬಿಜೆಪಿಯನ್ನು ಮತ್ತು ಮೋದಿಯವರನ್ನು ರಾಷ್ಟ್ರರಾಜಕಾರಣದಿಂದ ದೂರ ನೂಕಲು ಕಾಂಗ್ರೆಸ್ ತಯಾರಿಸಿದ್ದ ಹಿಡನ್ ಅಜೆಂಡಾದ ಪ್ರಕಾರ ಘಟಿಸಿದ ದುರಂತವೇ? ಮಾಧ್ಯಮದ, ವೈಚಾರಿಕ ಕ್ಷೇತ್ರದ ಒಂದು ಪ್ರಭಾವಿ ವರ್ಗ ಕಾಂಗ್ರೆಸ್ ಹೇಳಿಕೆಗಳಿಗೆ ಧ್ವನಿವರ್ಧಕಗಳಾದದ್ದು ಎಲ್ಲವೂ ವ್ಯವಸ್ಥಿತ ಸಂಚಿಗನುಗುಣವಾಗಿಯೇ? ಅದನ್ನು ತೀಸ್ತಾ ಸೆತಲ್ವಾಡ್ ನಿರಂತರವಾಗಿ ಜಾರಿಯಲ್ಲಿಡಲು, ಅಂದರೆ, “to keep the pot boiling” ಟೂಲ್ಕಿಟ್ ತಯಾರಾಗಿತ್ತೇ? ಇನ್ನು ತನಿಖೆಗಳ ಮತ್ತೊಂದು ಸರಣಿ ಆರಂಭವಾಗಬೇಕಿದೆ.
