ಇದು ಕೂಡ ಒಂದು ಹುಸಿ ವಾದ. ಹಾಗೆ ನೋಡಿದರೆ ಪಾಕ್ ವಿರುದ್ಧ ಭಾರತ ಯುದ್ಧ ಘೊಷಿಸಿರಲಿಲ್ಲ. ನಡೆಸಿದ್ದು ಕಾರ್ಯಾಚರಣೆ ಅಷ್ಟೇ. ಅದೇ ಯುದ್ಧಕ್ಕಿಂತ ಮಿಗಿಲಾಗಿ, ಪಾಕ್ ಮುಟ್ಟಿ ನೋಡಿಕೊಳ್ಳುವಂತಿತ್ತು. ಭಾರತ ಯುದ್ಧಪಿಪಾಸು ದೇಶವಲ್ಲ, ಹಾಗಂತ ವೈರಿಗೆ ಶರಣಾಗುವ ಹೇಡಿ ರಾಷ್ಟ್ರವೂ ಅಲ್ಲ. ಪಾಕಿಸ್ತಾನ ಸತತವಾಗಿ ಮಾಡುತ್ತಿರುವ ಕಿತಾಪತಿಗೆ ಒಂದು ದಿಟ್ಟ ಉತ್ತರ ಕೊಡಬೇಕಿತ್ತು, ನೀಡಿಯಾಗಿದೆ. ಪಾಕಿಸ್ತಾನದ ಸೈನಿಕ ಬಲದಿಂದ ಹಿಡಿದು, ಪೊಳ್ಳು ಅಣ್ವಸ್ತ್ರ ಬೆದರಿಕೆಯವರೆಗೆ ಎಲ್ಲವನ್ನೂ ಒಳಹೊಕ್ಕು ಜಾಲಾಡಿ ಅಲ್ಲಿನ ಸೇನಾ ಮುಖ್ಯಸ್ಥರು ಅಂಗಲಾಚಿದ ಬಳಿಕ ಒಂದು ರಾಜತಾಂತ್ರಿಕ ಜಾಣ್ಮೆಯನ್ನು ಮೆರೆದಿದೆ. ಅದು ಯುದ್ಧ ವಿರಾಮವಲ್ಲ, ಪಾಕಿಸ್ತಾನಕ್ಕೆ ಕೊಟ್ಟಿರುವ ಕಟ್ಟ ಕಡೆಯ ಕ್ಷಮೆ ಎಂದು ಭಾವಿಸಬೇಕು. ಭಾರತದ ನೇತೃತ್ವ ಸೇನೆಗೆ ಕೊಟ್ಟ ಫ್ರೀ ಹ್ಯಾಂಡ್, ಅದರ ಮುಂದಿನ ಪರಿಣಾಮವನ್ನು ಎದುರಿಸಲು ನಡೆಸಿರುವ ಪೂರ್ವ ಸಿದ್ಧತೆ ಎಂದು ಭಾವಿಸಬೇಕು.
