ಐಕಾನ್ಸ್ ಆಫ್ ಭಾರತ್ ಉದ್ದೇಶ: ನಾವು ಈ ಐಕಾನ್ಸ್ ಆಫ್ ಭಾರತ್ ಮಾಡಿರುವ ಉದ್ದೇಶ ಏನಪ್ಪ ಅಂದ್ರೆ, 10 ಲಕ್ಷ ಉದ್ದಿಮೆಗಳನ್ನು ಕ್ರಿಯೇಟ್ ಮಾಡಬೇಕು ಅಂತ. ಉದ್ಯಮ ಅಂದ ತಕ್ಷಣ ಬರೀ ನಾರ್ಮಲ್ ಬಿಸಿನೆಸ್ ಮಾತ್ರವಲ್ಲ ಕೃಷಿ ಉದ್ಯಮ ಕೂಡ. ಹಾಗಾಗಿ ನಮಗೆ ತಿಳಿದಿರುವ ಮಹಿಳೆಯರು, ಉದ್ಯಮಿಗಳು, ಸಣ್ಣ ಉದ್ದಿಮೆದಾರರು, ಕೃಷಿಕರು ಅವರು ಈ ಸಾಧಕರಿಂದ ಕಲಿತು ಅವರು ಕೂಡ ಉದ್ಯಮಿಗಳಾಗಬೇಕು. ಅವರು ಕೂಡ ಬದುಕು ಕಟ್ಟಿಕೊಳ್ಳಬೇಕು ಅನ್ನೋದು ನಮ್ಮ ಉದ್ದೇಶ. ಈ ಕಾರ್ಯಕ್ರಮ ಮುಗಿಯುವಷ್ಟರೊಳಗೆ ಹತ್ತು ಲಕ್ಷ ಹೊಸ ಉದ್ಯಮಿಗಳನ್ನು ಕಟ್ಟೋ ಕನಸು ನಾವು ಇಟ್ಕೊಂಡಿದ್ದೇವೆ. ಈ ಉದ್ದೇಶ ಹತ್ತು ಜನಕ್ಕೆ ತಲುಪಬೇಕು ಅದಕ್ಕೆ ನಿಮ್ಮ ಪೋ›ತ್ಸಾಹ ಬೇಕು, ಸಪೋರ್ಟ್ ಬೇಕು. ನೀವು ಮನಿಮಾತು ಅಂಕಣಕ್ಕೆ ಕಳೆದ ನಾಲ್ಕು ವರ್ಷದಿಂದ ಸಪೋರ್ಟ್ ಮಾಡ್ತಿದ್ದೀರಿ. ಆ ಸಪೋರ್ಟ್ ಹೀಗೆಯೇ ಯಾವಾಗಲು ಇರಲಿ. ನಾನು ಮನಿಮಾತು ಅಂಕಣದಲ್ಲಿ ಕಳೆದ 2 ವರ್ಷದಲ್ಲಿ ಬಹಳಷ್ಟು ಸಾಧಕರನ್ನು ಪರಿಚಯಿಸಿದ್ದೇನೆ. ನೀವು ಕೂಡ ಅವರ ಸಾಧನೆ ಕೇಳಿದ್ದೀರಿ, ಆದ್ರೆ ಆ ಸಾಧನೆ ಹಿಂದಿರುವ ಕಥೆ ಕೇಳಿರಲಿಲ್ಲ. ಆ ಕಥೆಯನ್ನಐಕಾನ್ಸ್ ಆಫ್ ಭಾರತ್ನಲ್ಲಿ ಅವರೇ ಹೇಳಿದ್ದಾರೆ. ಅವರ ಸಾಧನೆ ಗೊತ್ತಿದ್ದ ನಿಮಗೆ ಈಗ ಆ ಸಾಧನೆ ಹಿಂದಿರುವ ಸ್ಟ್ರಗಲ್, ಸರ್ವೆವಲ್ ಕಥೆ ಹೇಳ್ತಾರೆ. ಅದನ್ನ ಕೇಳ್ತಿದ್ದರೆ ನಿಮಗೂ ಬದುಕಲ್ಲಿ ನಾನೇನಾದರು ಮಾಡಬೇಕು ಅನ್ನೋ ಛಲ ಬರುತ್ತೆ. ಹಾಗಾಗಿಯೇ ಈ ಕಾರ್ಯಕ್ರಮ ಮಾಡ್ತಿದ್ದೇವೆ ನಿಮ್ಮ ಪೋ›ತ್ಸಾಹ ಸದಾ ಇರಲಿ.
