ಸಾಧನೆ ಎಂಬುದು ಆಕಸ್ಮಿಕವಲ್ಲ. ತ್ಯಾಗ, ಕಠಿಣ ಪ್ರಯತ್ನ ಪರಿಶ್ರಮದಿಂದಲೇ ಪ್ರತಿಫಲ ದೊರೆಯುತ್ತದೆ. ಜಗತ್ತಿನ ಮಹಾನ್ ಸಾಧಕರೆಲ್ಲ ಜಗತ್ತೇ ನಿದ್ರಿಸುತ್ತಿರಲು ತಾವು ಕಂಡ ಕನಸು ನನಸು ಮಾಡುವ ಕೈಂಕರ್ಯದಲ್ಲಿ ತೊಡಗಿರುತ್ತಾರೆ. ಹಾಗೆಯೇ ಕಂಡ ಕನಸು ಒಂದು ದಿನ ನನಸಾಗುತ್ತದೆ ಎಂಬ ದೃಢ ನಂಬಿಕೆಯೊಂದಿಗೆ ಮುಂದುವರಿಯುತ್ತಾರೆ. ಅಸಾಮಾನ್ಯ ಸಾಧಕರೆಲ್ಲ, ಒಂದು ಕಾಲದಲ್ಲಿ ಸಾಮಾನ್ಯ ವ್ಯಕ್ತಿಗಳೇ ಆಗಿದ್ದರು. ಇಂಥ ಅಸಾಮಾನ್ಯ ಸಾಧಕರ ಸಾಲಿಗೆ ನಾವೂ ಏಕೆ ಸೇರಬಾರದು? ಸ್ವಾಮಿ ವಿವೇಕಾನಂದರು ಹೇಳುತ್ತಾರೆ- ‘ಸಂಪೂರ್ಣ ಜವಾಬ್ದಾರಿಯನ್ನು ನಿನ್ನ ಕೈಯಲ್ಲಿ ತೆಗೆದುಕೊ, ಏಕೆಂದರೆ ನಿನ್ನ ಏಳಿಗೆಗೆ ನೀನೇ ಶಿಲ್ಪಿ. ನೀನು ಯಶಸ್ಸನ್ನು ಪಡೆಯಲು ಬೇಕಾದ ಶಕ್ತಿ ಮತ್ತು ನೆರವು ನಿನ್ನಲ್ಲಿ ಹುದುಗಿದೆ. ಪರಿಶ್ರಮ ಮೆಟ್ಟಿಲಿನಂತೆ ಅದೃಷ್ಟ ಲಿಫ್ಟ್ನಂತೆ. ಲಿಫ್ಟ್ (ಅದೃಷ್ಟ) ಕೈಕೊಡಬಹುದು. ಆದರೆ, ಪರಿಶ್ರಮ (ಮೆಟ್ಟಿಲು) ಎಂದಿಗೂ ಕೈಕೊಡದು. ಅದೃಷ್ಟವು ನಮ್ಮೊಂದಿಗೆ ಇರುತ್ತದೆಯೋ ಇಲ್ಲವೋ ಹೇಳಲಾಗದು. ಆದರೆ, ಪರಿಶ್ರಮವು ಅದೃಷ್ಟವನ್ನು ನಮ್ಮಲ್ಲಿಗೆ ತರುತ್ತದೆ’. ಇದಕ್ಕೆ ಒಳ್ಳೆಯ ಉದಾಹರಣೆ ವರುಣ್ ಆರ್ಯ.
