ಅಡುಗೆ ಮಾಡುವ ಮತ್ತು ಮಾರಾಟ ಮಾಡುವ ವ್ಯವಸ್ಥೆ ಹೊಂದಿರುವ ವಾಹನವನ್ನು ಬೇಕಾದಲ್ಲಿಗೆ ತೆಗೆದುಕೊಂಡು ಹೋಗಿ ಜನರಿಗೆ ಆಹಾರ ಪೂರೈಸುವ ವ್ಯವಸ್ಥೆಯನ್ನು ಫುಡ್ ಟ್ರಕ್ ಬಿಸಿನೆಸ್ ಎಂದು ಹೇಳಬಹುದು. ಒಂದು ಆಟೋ, ಕಾರ್, ಟೆಂಪೋ, ವ್ಯಾನ್ ಇದ್ದರೆ ಸಾಕು ಅದನ್ನು ಆಲ್ಟ್ರೇಷನ್ ಮಾಡಿಸಿ ಅಡುಗೆ ತಯಾರಿಸಲು ಬೇಕಾದ ಸಲಕರಣೆಗಳನ್ನು ಅಳವಡಿಸಿಕೊಂಡು ಫುಡ್ ಟ್ರಕ್ ಬಿಸಿನೆಸ್ ಅರಂಭಿಸಬಹುದು. ಆರಂಭಿಕ 50 ಸಾವಿರ ರೂ. ಬಂಡವಾಳದಿಂದ ಹಿಡಿದು 1 ಲಕ್ಷ , 3 ಲಕ್ಷ , 5 ಲಕ್ಷ, 10 ಲಕ್ಷ ರೂ. ವರೆಗೆ ಖರ್ಚು ಮಾಡಿ ಫುಡ್ ಟ್ರಕ್ ವಾಹನ ವಿನ್ಯಾಸ ಮಾಡಿಸಿಕೊಳ್ಳಬಹುದು. ಫುಡ್ ಟ್ರಕ್ಗೆ ಎಷ್ಟು ವೆಚ್ಚ ಮಾಡಬೇಕು ಎನ್ನುವುದನ್ನು ನೀವು ಎಷ್ಟು ಬಂಡವಾಳ ಹಾಕಲು ಶಕ್ತರಾಗಿದ್ದೀರಿ ಎನ್ನುವ ಆಧಾರದಲ್ಲಿ ನಿರ್ಧರಿಸಬೇಕಾಗುತ್ತದೆ. ಹಳೆಯ ವಾಹನ ಖರೀದಿಸಿ ಬಾಡಿ ಬಿಲ್ಡಿಂಗ್ ಮಾಡಿಸಿಕೊಂಡರೆ ಖರ್ಚು ಕಡಿಮೆ. ಹೋಟೆಲ್ ಆರಂಭಿಸಲು ಬೇಕಿರುವ ಬಂಡವಾಳದ ಲೆಕ್ಕಾಚಾರ ಮಾಡಿದರೆ ಫುಡ್ ಟ್ರಕ್ ಚೀಪ್ ಆಂಡ್ ಬೆಸ್ಟ್.
