‘ತುತ್ತು ಅನ್ನ ತಿನ್ನೋಕೆ ಬೊಗಸೆ ನೀರು ಕುಡಿಯೋಕೆ’ ಅಂತ ದೊಡ್ಡವರು ಸುಮ್ನೆ ಹೇಳಿಲ್ಲ. ನಮ್ಮ ಜೀವನದಲ್ಲಿ ಏನ್ ಬೇಕೋ ಬೇಡ್ವೋ? ಆದ್ರೆ, ನಮ್ಮ ದೈನಂದಿನ ಜೀವನ ಸಾಗಿಸೋಕೆ ದಿನಸಿ ಅಂತೂ ಬೇಕೇ ಬೇಕು. ಬಹುಶಃ ನೀವು ಗಮನಿಸಿರಬಹುದು, ಕರೊನಾ ಹೆಮ್ಮಾರಿ ನಮ್ಮ ದೇಶಕ್ಕೆ ಆವರಿಸಿದಾಗ, ಎಲ್ಲವೂ ಬಂದ್ ಆದವು. ಆದ್ರೆ, ಅಂತಹ ಸಂದರ್ಭದಲ್ಲೂ ಚಿಂತೆಯಿಲ್ಲದೆ ಲಾಭ ಗಳಿಸಿದ್ದು, ದಿನಸಿ ಅಂಗಡಿಗಳು ಮತ್ತು ಸೂಪರ್ಮಾರ್ಕೆಟ್ಗಳು ಮಾತ್ರ. ಯಾವುದೇ ಉದ್ಯಮದಲ್ಲಾದ್ರೂ, ಲಾಭ-ನಷ್ಟ ಮಾಮೂಲಿ. ಆದ್ರೆ, ಆರ್ಥಿಕ ಏರಿಳಿತದ ಸಂದರ್ಭದಲ್ಲೂ ಬೇಡಿಕೆಯ ಸ್ಥಿರತೆಯೊಂದಿಗೆ ಹೆಚ್ಚು ಲಾಭ ಗಳಿಸಲು ಕಿರಾಣಿ ಅಂಗಡಿಗಳು, ಸೂಪರ್ಮಾರ್ಕೆಟ್ ಉದ್ಯಮದಿಂದ ಸಾಧ್ಯ. ಹಾಗಾಗಿಯೇ ಸೂಪರ್ಮಾರ್ಕೆಟ್ನ ಬೇಡಿಕೆ ದಿನದಿಂದ ದಿನಕ್ಕೆ ಏರುತ್ತಲೇ ಇದೆ. ಒಂದು ಏರಿಯಾದಲ್ಲಿ ಏನಿಲ್ಲಾ ಅಂದ್ರೂ 10-20 ದಿನಸಿ ಅಂಗಡಿ ಇದ್ದೆ ಇರ್ತಾವೆ. ಹೀಗಾಗಿಯೇ 2013ರಲ್ಲಿ 22,12,500 ಕೋಟಿ ರೂ. ಇದ್ದಂಥ ದಿನಸಿ ಮಾರುಕಟ್ಟೆಯ ಮೌಲ್ಯ ಕಳೆದ ವರ್ಷ ಅಂದ್ರೆ, 2019ರಲ್ಲಿ 44,25,000 ಕೋಟಿ ರೂ. ಆಗಿದೆ. ಅಂದ್ರೆ ಪೂರ್ತಿ ಡಬಲ್. ಹಾಗಾದ್ರೆ, ನಾನು ಕೂಡ ದಿನಸಿ ವ್ಯಾಪಾರ ಮಾಡಿ ಲಾಭ ಗಳಿಸ್ಬೇಕು. ಆದ್ರೆ, ಹೂಡಿಕೆ ಮಾಡೋದಕ್ಕೆ ಸಾಕಷ್ಟು ಬಂಡವಾಳ ಇಲ್ವಲ್ಲ ಅಂತ ಅನ್ಕೊಂಡ್ರಾ? ಬೇಜಾರು ಮಾಡ್ಕೊಳ್ಳುವ ಅಗತ್ಯಾನೇ ಇಲ್ಲ. ಯಾಕಂದ್ರೆ, ಸಣ್ಣ ಕಿರಾಣಿ ಅಂಗಡಿ ತೆರೆಯೋಕೆ ನಿಮಗೆ ಸಾಕಷ್ಟು ಬಂಡವಾಳದ ಅಗತ್ಯತೆ ಏನೂ ಇಲ್ಲ. ಒಂದು ವೇಳೆ, ನಾನು ದೊಡ್ಡ ಮಟ್ಟದಲ್ಲೇ ಸೂಪರ್ಮಾರ್ಕೆಟ್ ಓಪನ್ ಮಾಡ್ಬೇಕು ಅಂತ ಅನ್ಕೊಂಡ್ರೆ ಸಾಲ ಸೌಲಭ್ಯದ ಮೂಲಕ ಅದನ್ನೂ ಸ್ಥಾಪಿಸಿ ಲಾಭದ ಸಿಹಿ ನೋಡಬಹುದು.
