ಸಾಹಿತಿಗಳ ಕಾಲಕ್ಷೇಪ: ಕರೊನಾ ಲಾಕ್​ಡೌನ್​ನಲ್ಲಿ ಓದು-ಬರಹ ಭರಪೂರ

ಸಂಘಜೀವಿಯಾದ ಮನುಷ್ಯನನ್ನು ಕರೊನಾ ಒಂದೆಡೆ ಬಂಧಿಸಿಟ್ಟಿದೆ. ದಿನಬೆಳಗಾದರೆ ಸ್ನೇಹಿತರು, ಕಾರ್ಯಕ್ರಮ, ಉಪನ್ಯಾಸ ಎಂದು ತೊಡಗಿಸಿಕೊಂಡಿರುತ್ತಿದ್ದ ಸಾಹಿತಿ, ಲೇಖಕರು, ಕಾದಂಬರಿಕಾರರಿಗೂ ಇದು ಹೊರತಲ್ಲ. ಕರೊನಾ ಸಂದರ್ಭದಲ್ಲಿ ಸೃಜನಶೀಲ ಮನಸ್ಸುಗಳಲ್ಲಿ ನಡೆಯುತ್ತಿರುವ ಚಿಂತನೆಗಳು, ತೊಳಲಾಟಗಳೇನು, ಅವರ ಈಗಿನ ದಿನಚರಿ ಹೇಗಿದೆ?

| ರಮೇಶ ದೊಡ್ಡಪುರ

ಪ್ರವಾಸ ಇಲ್ಲದೆ ಏನನ್ನೂ ಬರೆಯೋದು ಕಷ್ಟ...

| ಎಸ್.ಎಲ್. ಭೈರಪ್ಪ ಹಿರಿಯ ಕಾದಂಬರಿಕಾರ

ಲಾಕ್​ಡೌನ್​ನಿಂದಾಗಿ ಮನೆಯಲ್ಲೇ ಇದ್ದೀವಿ. ಪ್ರಾರಂಭದಲ್ಲಿ ಇದೊಂದು ರೀತಿ ಚೆನ್ನಾಗೇ ಇತ್ತು. ಆದರೆ ಈಗ ಒಂದು ವರ್ಷದ ಮೇಲೆ ಮೂರು ತಿಂಗಳು ಕಳೆದಿದೆ. ಅದೇಕೊ ಲೈಫೇ ಬೋರ್ ಆಗುತ್ತಿದೆ. ಎಷ್ಟು ದಿವಸ ಮನೆಯಲ್ಲೇ ಇರುವುದು? ಯಾರೂ ನಮ್ಮ ಮನೆಗೂ ಬರೊಲ್ಲ, ನಾವೂ ಎಲ್ಲೂ ಹೋಗೊಲ್ಲ. ‘ಬೇಕಾದಷ್ಟು ಸಮಯ ಇದೆ. ಏನು ಬೇಕಾದರೂ ಓದಬಹುದು, ಎಷ್ಟು ಬೇಕಾದರೂ ಬರೆಯಬಹುದು ಅಲ್ವ’ ಅಂತ ಅನ್ನಿಸುತ್ತದೆ. ಆದರೆ ಸಾಹಿತ್ಯ ಆ ರೀತಿ ಹುಟ್ಟೊಲ್ಲ. ಮುಖ್ಯವಾಗಿ ಪ್ರವಾಸ ಇಲ್ಲದೆ ಆಗಲ್ಲ. ‘ಒಂದೇ ಕಡೆ ಇದ್ದೀವಿ, ಸಮಯ ಇದೆ’ ಎಂದ ತಕ್ಷಣ ಹೊಸದಾಗಿ ಒಂದು ಕಾದಂಬರಿ ಬರೆದುಬಿಡ್ತೀನಿ ಅಂದರೆ ಸಾಧ್ಯ ಇಲ್ಲ. ಹಾಗಾಗಿ ಈ ಹಿಂದೆ ಓದಿದ್ದ, ಓದಬೇಕಿದ್ದ ಕೆಲವು ಮುಖ್ಯ ಪುಸ್ತಕಗಳನ್ನ ತಿರುವಿ ಹಾಕ್ತಾ ಇದ್ದೀನಿ. ಮುಖ್ಯವಾಗಿ ಸಾವರ್ಕರ್, ಸರ್ದಾರ್ ವಲ್ಲಭಭಾಯಿ ಪಟೇಲರ ಕುರಿತು ಪುಸ್ತಕಗಳನ್ನು ಓದಿದೆ. ಆರ್.ಸಿ. ಮಜುಂದಾರ್ ಬರೆದಿರುವ, 3 ಸಂಪುಟಗಳಲ್ಲಿರುವ ‘ಹಿಸ್ಟರಿ ಆಫ್ ದಿ ಫ್ರೀಡಂ ಮೂವ್​ವೆುಂಟ್ ಇನ್ ಇಂಡಿಯಾ’ ಓದುತ್ತಿದ್ದೇನೆ. ಒಂದೆಡೆ ಕಲಾವಿದರು, ಜನರು ಸೇರುವುದೇ ಬೇಡ ಎನ್ನುವಾಗ ಸಾಂಸ್ಕೃತಿಕ ಚಟುವಟಿಕೆಗಳನ್ನು ನಡೆಸಲೂ ಸಾಧ್ಯವಾಗದು. ಆನ್​ಲೈನ್ ತರಗತಿಗಳು ನಡೆಯುತ್ತವೆ. ವಿದ್ಯಾವಂತ ಪೋಷಕರು ಮಕ್ಕಳ ಪುಸ್ತಕವನ್ನು ತಾವೇ ಓದಿಕೊಂಡು ಪಾಠ ಮಾಡಬಹುದು. ವಿದ್ಯಾವಂತ ಯುವಕರು ಗ್ರಾಮದಲ್ಲಿ ಮಕ್ಕಳಿಗೆ ಕಂಪ್ಯೂಟರ್ ಹೇಳಿಕೊಡಬಹುದು. ನಾವೆಲ್ಲರೂ ಸರ್ಕಾರದ ನಿಯಮ ಪಾಲನೆ ಮಾಡಬೇಕು. ನಮ್ಮ ಜನರಲ್ಲಿ ಸ್ವಲ್ಪ ಶಿಸ್ತು ಕಡಿಮೆ. ಒಂದು ದಿನ ಸಡಿಲ ಬಿಟ್ಟರೆ ಸಾಕು ಗುಂಪುಗುಂಪಾಗಿ ರಸ್ತೆಗೆ ಇಳಿದುಬಿಡುತ್ತಾರೆ. ಮನೆಯಲ್ಲೇ ಇದ್ದು ಅವರವರಿಗೆ ತೋಚಿದ ರೀತಿಯಲ್ಲಿ ಸಮಯ ಕಳೆಯುವುದನ್ನು ರೂಢಿಸಿಕೊಳ್ಳಬೇಕು.

ಇನ್ನೂರು ಹೊಸ ಮುಕ್ತಕಗಳನ್ನು ರಚಿಸಿದೆ...

| ಎಚ್.ಎಸ್. ವೆಂಕಟೇಶಮೂರ್ತಿ ಹಿರಿಯ ಕವಿ

ಕರೊನಾ ಸೋಂಕು ಕಾಣಿಸಿಕೊಂಡು, ವಿಕ್ಟೋರಿಯಾದಲ್ಲಿ 10 ದಿನ ಚಿಕಿತ್ಸೆ ಪಡೆದು ಮನೆಗೆ ಬಂದೆ. ಕ್ವಾರಂಟೈನ್ ಅವಧಿಯನ್ನೂ ಮುಗಿಸಿ ಈಗ ಆರಾಮಿದ್ದೀನಿ. ಹೊರಗೆಲ್ಲೂ ಹೋಗುತ್ತಿಲ್ಲ. ಆಸ್ಪತ್ರೆಯಿಂದ ಬಂದ ನಂತರ ಮುಕ್ತಕಗಳನ್ನು ರಚಿಸಿದೆ. ಇದು ಸಂಸ್ಕೃತದಲ್ಲಿ ಹೆಚ್ಚು ಪ್ರಸಿದ್ಧವಾಗಿರುವ ಕಾವ್ಯ ಮಾಧ್ಯಮ. 200 ಮುಕ್ತಕಗಳನ್ನು ಬರೆದಿದ್ದೇನೆ, ಲಾಕ್​ಡೌನ್ ನಂತರ ಕೃತಿ ಹೊರಬರಲಿದೆ. ಈ ಕೆಲಸದಿಂದ ನನ್ನ ಮನಸ್ಸಿಗೆ ಸಮಾಧಾನ ಆಗುತ್ತದೆ; ಓದಿದವರೂ ಸಂತೋಷ, ಸಮಾಧಾನಪಡುತ್ತಾರೆ. ಈ ಸಂದರ್ಭವನ್ನು ಸವಾಲಾಗಿ ಸ್ವೀಕರಿಸಿ, ಸಕಾರಾತ್ಮಕ ಚಿಂತನೆಯಲ್ಲಿ ತೊಡಗಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದೇನೆ. ಇದೇ ಸಂದರ್ಭದಲ್ಲಿ ಅನೇಕ ಪುಸ್ತಕಗಳನ್ನು ಓದಿದೆ. ವಸುಧೇಂದ್ರ ಅವರ ಕೃತಿ, ರಾಘವೇಂದ್ರ ಪಾಟೀಲರ ಕಾದಂಬರಿ, ಗಜಾನನ ಶರ್ಮ ಅವರ ಚೆನ್ನಭೈರಾದೇವಿ ಕೃತಿ, ರಜನಿ ನರಹಳ್ಳಿ ಬಾಲಸುಬ್ರಹ್ಮಣ್ಯ ಬರೆದ ಮಕ್ಕಳ ಕೃತಿ ಓದಿದೆ. ಎಂದಿನಂತೆ ಬೆಳಗ್ಗೆ 4ರಿಂದ 6ರವರೆಗೆ ನನ್ನ ಸ್ವಂತ ಬರವಣಿಗೆ ಮುಂದುವರಿದಿದೆ. ಮನೆಯ ತಾರಸಿ ಮೇಲೆ ನಡಿಗೆ, ಪ್ರಾಣಾಯಾಮ. ಸ್ನೇಹಿತರೊಂದಿಗೆ ದೂರವಾಣಿಯಲ್ಲಿ ಮಾತು. ಪರಸ್ಪರ ಧೈರ್ಯ, ಸಾಂತ್ವನವೇ ಈಗ ಅವಶ್ಯಕ. ಸುಮ್ಮನೆ ಕುಳಿತರೆ ಮನಸ್ಸು ಹಾಳಾಗುತ್ತದೆ. ಭಯ ಬೇಡವೇ ಬೇಡ. ಲಸಿಕೆ ತೆಗೆದುಕೊಂಡು, ಸರ್ಕಾರ ಹೇಳುತ್ತಿ ರುವಂತೆ ಮನೆಯಲ್ಲೆ ಇರುವುದು ಉತ್ತಮ.

ಓದು ಬರಹಕ್ಕೆ ಸಾಕಷ್ಟು ಟೈಮ್ ಸಿಗ್ತಿದೆ

| ಡಾ. ಹನುಮಾಕ್ಷಿ ಗೋಗಿ ಲೇಖಕಿ-ಸಂಶೋಧಕಿ

ಎರಡು ಕಾದಂಬರಿ, 30 ಕವನ ಬರೆದೆ!

| ಡಾ. ನಾ. ಮೊಗಸಾಲೆ ಹಿರಿಯ ಕವಿ-ಕಥೆಗಾರ

| ವಸುಧೇಂದ್ರ ಕಥೆಗಾರ

https://www.vijayavani.net/2-couples-from-same-family-died-due-to-corona/

https://www.vijayavani.net/a-corona-lockdown-film-actor-upendra-farmer/