ಅಂಕಣ

ಬಾಳು ಬೆಳಗಲು ಬಾಳೆ ಬೆಳೆ!

Banana
Webdesk - Ravikanth
Published on: 
ದೇಶದಲ್ಲಿ ಸದ್ಯ 2 ಮಾದರಿಯಲ್ಲಿ ಬಾಳೆ ಬೆಳೆ ಬೆಳೆಯುವವರಿದ್ದಾರೆ. 1ನೇ ವರ್ಗದ ಜನ ತೋಟದಲ್ಲಿ ಅಲ್ಲೊಂದು ಇಲ್ಲೊಂದು ಕಡೆ ಅಂತರ ಬೆಳೆಯಾಗಿ ಬಾಳೆ ಬೆಳೆದುಕೊಳ್ಳುತ್ತಾರೆ. ಹೀಗೆ ಬೆಳೆಯುವವರು ತಮ್ಮ ಕುಟುಂಬದ ವಾರದ ನಿರ್ವಹಣೆ ಖರ್ಚನ್ನು ಇದೇ ಬಾಳೆಯಲ್ಲಿ ನಿರ್ವಹಿಸಿಕೊಳ್ಳುತ್ತಾರೆ. ಇನ್ನೊಂದು ವರ್ಗದ ಜನ ಎಕರೆ ಪ್ರದೇಶದಲ್ಲಿ ಬರೀ ಬಾಳೆಯನ್ನೇ ಬೆಳೆದುಕೊಳ್ಳುತ್ತಾರೆ. ಹೀಗೆ ಬೆಳೆದ ಬಾಳೆ 10 ತಿಂಗಳ ನಂತರ ಕಟಾವಿಗೆ ಬರುತ್ತೆ. ಆಗ ಎಕರೆಯಲ್ಲಿ ಸರಾಸರಿ 6-7 ಲಕ್ಷ ರೂ. ಲಾಭ ಪಡೆಯುತ್ತಾರೆ. ಉದಾಹರಣೆಗೆ ಏಲಕ್ಕಿ ಬಾಳೆಯನ್ನೇ ತೆಗೆದುಕೊಂಡರೆ ಹಬ್ಬ- ಹರಿದಿನಗಳಲ್ಲಿ ಮಾರುಕಟ್ಟೆಯಲ್ಲಿ ಕೆಜಿಗೆ 150 ರೂ. ವರೆಗೆ ಅತ್ಯಧಿಕ ದರ ನಿಗದಿಯಾದ್ರೆ ರೈತರಿಗೆ ಈ ಸಮಯದಲ್ಲಿ ಏನಿಲ್ಲ ಅಂದರೂ 100 ರೂ. ಸಿಗುತ್ತೆ. ಉಳಿದ ಸಮಯದಲ್ಲಿ 30 ರಿಂದ 70 ರೂ. ವರೆಗೆ ದರ ಸಿಗುತ್ತೆ. ಆಗ ಬೆಳೆದ ರೈತರಿಗೆ 20 ರಿಂದ 50 ರೂ. ವರೆಗೆ ಹಣ ಸಿಕ್ಕೇ ಸಿಗುತ್ತೆ. ಈಗ ಸರಾಸರಿ ಲೆಕ್ಕಾಚಾರವನ್ನಿಟ್ಟುಕೊಂಡು ರೈತರಿಗೆ ಕೆಜಿಗೆ 50 ರೂ. ಸಿಕ್ಕಿತು ಅಂದಿಟ್ಟುಕೊಳ್ಳೋಣ. 1 ಕೆಜಿಗೆ 50 ರೂ. ಅಂದರೆ 1 ಗಿಡದಲ್ಲಿ 20 ಕೆಜಿ ತೂಕದ ಗೊನೆ ಇಳುವರಿ ಕಾಣಬಹುದು. ಅಲ್ಲಿಗೆ 20 ಕೆಜಿಗೆ 1000 ರೂ. ಸಿಕ್ಕಂತಾಯಿತು. 1 ಗಿಡದಲ್ಲಿ ಸರಾಸರಿ 1000 ಅಂದ್ರೆ 600 ಗಿಡಕ್ಕೆ 6 ಲಕ್ಷ ರೂ. ಸಿಗುತ್ತೆ. ಚೊಚ್ಚಲ ಬೆಳೆಯಲ್ಲಿ 6 ಲಕ್ಷ ರೂ. ಸಿಕ್ಕರೆ ಕೆಲವೊಮ್ಮೆ ಕುಳೆ ಬೆಳೆ ತೆಗೆಯುವ ಪದ್ಧತಿ ಕೂಡ ಇದೆ. ಕುಳೆ ಪದ್ಧತಿಯಿಂದ ಇನ್ನೆರಡು ಬೆಳೆ ತೆಗೆದು ಮತ್ತೆರಡು ಸಲ ಆದಾಯ ಪಡೆಯಬಹುದು. ಪ್ರಕೃತಿ ವಿಕೋಪದ ಅನಾಹುತ ಮಾತ್ರ ನಮ್ಮ ಕೈಯಲ್ಲಿ ಇಲ್ಲ ಅನ್ನೋದನ್ನು ಹೊರತು ಪಡಿಸಿದರೆ ಮಿಕ್ಕಂತೆ ಬಾಳೆಯಲ್ಲಿ ನಷ್ಟವೂ ಇಲ್ಲ, ಸೋಲು ಇಲ್ಲ. ಕೆಜಿಗೆ ದರ ಕಡಿಮೆಯಾದರೆ ಮೌಲ್ಯವರ್ಧನೆ ಸೂತ್ರ ಅಳವಡಿಸಿಕೊಂಡು ಚಿಪ್ಸ್ ಮಾಡಿದ್ರೆ 1 ರೂ. ದುಡಿಯುವ ಜಾಗದಲ್ಲಿ 10 ರೂ. ಹೆಚ್ಚಿಗೆ ಸಂಪಾದನೆ ಮಾಡಬಹುದು. ಇನ್ನು ಬರೀ ಬಾಳೆ ಕಾಯಿಯಿಂದ ದುಡ್ಡು ಮಾಡೋದಷ್ಟೇ ಅಲ್ಲ, ಬಾಳೆ ಎಲೆಯಲ್ಲೂ ದುಡ್ಡಿದೆ. ಪ್ರತಿದಿನ ಕನಿಷ್ಠ 100 ಬಾಳೆ ಎಲೆ ಮಾರಿದ್ರೆ ತಿಂಗಳಿಗೆ 3000 ಬಾಳೆ ಎಲೆ ಮಾರುತ್ತೀರಾ. ಅಂದ್ರೆ 10 ತಿಂಗಳಿಗೆ 30 ಸಾವಿರ ಬಾಳೆ ಎಲೆ ಮಾರುತ್ತೀರಾ. 1 ಬಾಳೆ ಎಲೆಗೆ 2 ರೂ. ಲೆಕ್ಕ ಹಾಕಿದರೂ 60 ಸಾವಿರ ರೂ. ಆದಾಯ ಬಂತು. ಹೂಡಿದ ಬಂಡವಾಳ ಎಲೆಯಲ್ಲೇ ಹಿಂಪಡೆದುಕೊಳ್ಳಬಹುದು. ಮಿಕ್ಕ ಆದಾಯವೆಲ್ಲ ಲಾಭವೇ ಅಲ್ವಾ?

ಜಾಗತಿಕ ಮಟ್ಟದಲ್ಲಿ ಬಾಳೆ ಬೆಳೆ: ಬಾಳೆ ಹುಟ್ಟಿದ್ದು ಸೌತ್ ಈಸ್ಟ್ ಏಷ್ಯಾ ಖಂಡದಲ್ಲಿ. ಏಷ್ಯಾ ಮತ್ತು ಪೆಸಿಫಿಕ್ ಖಂಡ ವಿಶ್ವದಲ್ಲೇ ಅತಿ ಹೆಚ್ಚು ಬಾಳೆ ಬೆಳೆಯುವ ಪ್ರದೇಶಗಳು. ಅದೇ ರೀತಿ ಬಾಳೆ ಬೆಳೆಯುವ 153 ರಾಷ್ಟ್ರಗಳಲ್ಲಿ ಭಾರತ ಸದ್ಯ ಅತಿ ಹೆಚ್ಚು ಬಾಳೆ ಬೆಳೆಯವ ರಾಷ್ಟ್ರವೆಂದು ಗುರುತಿಸಿಕೊಂಡಿದೆ. ಅಷ್ಟೇ ಅಲ್ಲ, ಭಾರತದ ಎಲ್ಲ ರಾಜ್ಯದಲ್ಲೂ ಬಾಳೆ ಬೆಳೆ ಇದೆ ಅನ್ನೋದು ವಿಶೇಷ. ಆಂಧ್ರಪ್ರದೇಶ, ಗುಜರಾತ್, ಮಹಾರಾಷ್ಟ್ರ, ತಮಿಳುನಾಡು, ಉತ್ತರ ಪ್ರದೇಶ, ಮಧ್ಯಪ್ರದೇಶ, ಕರ್ನಾಟಕ, ಬಿಹಾರ, ಪಶ್ಚಿಮ ಬಂಗಾಳ, ಕೇರಳ ಹೆಚ್ಚು ಬಾಳೆ ಬೆಳೆಯುವ ರಾಜ್ಯಗಳಾಗಿವೆ. ವಿಶ್ವದಲ್ಲಿ 1 ವರ್ಷಕ್ಕೆ 11,67,81,658 ಟನ್ ಬಾಳೆ ಬೆಳೆದರೆ ಅದರಲ್ಲಿ 3,04,60,000 ಟನ್ ನಮ್ಮ ಭಾರತದ್ದೇ ಇದೆ. ಒಟ್ಟು ವಿಶ್ವದಲ್ಲಿ 400 ಮಿಲಿಯನ್ ಜನ ಪ್ರತಿನಿತ್ಯ ಬಾಳೆ ಬಳಕೆ ಮಾಡುವವರಿದ್ದಾರೆ. ಹೀಗಾಗಿ ಅತೀ ಅಗತ್ಯವಾದ ಬಾಳೆಗೆ ದಕ್ಷಿಣ ಕೊರಿಯಾ, ಜಪಾನ್, ಆಸ್ಟ್ರೇಲಿಯಾಗಳಲ್ಲಿ ಬೆಲೆ ಸಿಕ್ಕಾಪಟ್ಟೆ ತುಟ್ಟಿ ಇದೆ. ಇನ್ನು ಹೆಚ್ಚು ಬಾಳೆ ಬೆಳೆಯುವ ಸಮಶೀತೋಷ್ಟ ವಲಯದ ರಾಷ್ಟ್ರಗಳಲ್ಲಿ ಹಣ್ಣಿನ ದರ ತೀರಾ ಅಗ್ಗವಿದೆ.

1000ಕ್ಕೂ ಹೆಚ್ಚು ಬಾಳೆ ತಳಿ: ಬಾಳೆಯಲ್ಲಿ 1000ಕ್ಕಿಂತ ಹೆಚ್ಚು ತಳಿಗಳಿವೆ. ಆಯಾ ಪ್ರದೇಶದ ಬೇಡಿಕೆಗೆ ಅನುಗುಣವಾಗಿ ರೈತರು ಬಾಳೆ ಬೆಳೆದುಕೊಳ್ಳುತ್ತಾರೆ. ಕೇರಳದಲ್ಲಿ ನೇಂದ್ರ ಮತ್ತು ಕೆಂಪು ಬಾಳೆಗೆ ಹೆಚ್ಚು ಬೇಡಿಕೆ ಇದ್ರೆ ಕರ್ನಾಟಕದಲ್ಲಿ ಏಲಕ್ಕಿ, ಮೈಸೂರು ಬಾಳೆ, ರಸಬಾಳೆ, ಕರ್ಬಾಳೆ, ಜಿ9 ಬಾಳೆ ಹೆಚ್ಚು ಪ್ರಚಲಿತದಲ್ಲಿದೆ. ಬರೀ ಹಣ್ಣಿನ ದೃಷ್ಟಿಯಲ್ಲಷ್ಟೇ ಅಲ್ಲದೆ ಚಿಪ್ಸ್​ಗಾಗಿ, ಅಡುಗೆಗಾಗಿಯೂ ಕೆಲವು ಬಾಳೆ ಬೆಳೆಯುವ ಪದ್ಧತಿಯಿದೆ. ಅದರಂತೆ ಪುಟ್ಟ ಬಾಳೆಯಿಂದ ಹಿಡಿದು ನ್ಯೂಗಿನಿಯಾದ 15 ಮೀಟರ್ ಎತ್ತರಕ್ಕೆ ಬೆಳೆಯುವ ಜಿಯಾಂಟ್ ಹೈಲೆಂಡ್ ಬಾಳೆ ಕೂಡ ಈ ಜಗತ್ತಿನಲ್ಲಿದೆ. ಜತೆಗೆ ಇದೀಗ ಅಂಗಾಶ ಕೃಷಿ ಪರಿಣಾಮ ಹೆಚ್ಚು ಇಳುವರಿ ನೀಡುವ ಹೈಬ್ರಿಡ್ ತಳಿಗಳು ಹೊರಹೊಮ್ಮಿವೆ. ಹೀಗಾಗಿ ರೈತರು ಒಬ್ಬರಿಂದ ಹೊರಲಾರದಷ್ಟು ದೊಡ್ಡ ಗೊನೆಗಳ ಇಳುವರಿ ಕಾಣುವಂತಾಗಿದೆ.

ಫೈನಾನ್ಸಿಯಲ್ ಫ್ರೀಡಂ ಆಪ್​ನಲ್ಲಿ ಏಲಕ್ಕಿ ಬಾಳೆ ಕೃಷಿ ಕೋರ್ಸ್: ಬಾಳೆ ಕೃಷಿ ಆಸಕ್ತರಿಗಾಗಿ ಇಂಡಿಯನ್ ಮನಿ ಡಾಟ್ ಕಾಂನ ಫ್ರೀಡಂ ಆಪ್ ಏಲಕ್ಕಿ ಬಾಳೆ ಕೃಷಿ ಕೋರ್ಸ್ ಅನಾವರಣ ಮಾಡಿದೆ. 20 ವರ್ಷದಿಂದ 10 ಎಕರೆಯಲ್ಲಿ ನಿರಂತರ ಬಾಳೆ ಕೃಷಿ ಮಾಡಿ ಸೋಲು, ಲಾಸ್ ಕಾಣದೆ, ಎಕರೆಗೆ 1 ಲಕ್ಷ ರೂ. ಖರ್ಚಿನಲ್ಲಿ 6 ಲಕ್ಷ ರೂ. ಆದಾಯ ಕಂಡಿರುವ ದೊಡ್ಡ ಬಳ್ಳಾಪುರ ತಾಲೂಕಿನ ಹಿರಿಯ ರೈತ ಶಿವಪ್ಪ ಅವರು ಈ ಕೋರ್ಸ್ ಮಾರ್ಗದರ್ಶಕರು.

ಆನ್​ಲೈನ್ ಮೇಕಪ್ ಆರ್ಟಿಸ್ಟ್ ಕೋರ್ಸ್​ಗೆ ಈಗಲೇ ಸೇರಿ!: ಕನ್ನಡ ನಟಿ ಮತ್ತು ಸೆಲೆಬ್ರೆಟಿ ಮೇಕಪ್ ಆರ್ಟಿಸ್ಟ್ ವೈಭವಿ ಜಗದೀಶ್ ಅವರು ಇಂಡಿಯನ್ ಮನಿ ಫೈನಾನ್ಸಿಯಲ್ ಫ್ರೀಡಂ ಆಪ್ ಸಹಯೋಗದಲ್ಲಿ ನಡೆಸುತ್ತಿರುವ ಆನ್​ಲೈನ್ ಮೇಕಪ್ ಆರ್ಟಿಸ್ಟ್ ಕೋರ್ಸ್​ಗೆ ಈಗಲೇ ಸೇರಿಕೊಳ್ಳಿ. ನೀವು ಮೇಕಪ್ ಕಲೆ ಕಲಿತು ದುಡಿಮೆಯ ದಾರಿ ಕಂಡುಕೊಳ್ಳಿ. ಹೆಚ್ಚಿನ ಮಾಹಿತಿಗೆ ಸಂರ್ಪಸಿ -9632742525.

ಕೋರ್ಸ್​ನಲ್ಲಿ ಏನಿದೆ?

  • ಕೋರ್ಸ್ ಪರಿಚಯ
  • ಮಾರ್ಗದರ್ಶಕರ ಪರಿಚಯ
  • ಏನಿದು ಏಲಕ್ಕಿ ಬಾಳೆ ಕೃಷಿ?
  • ಬಂಡವಾಳ ಮತ್ತು ಸರ್ಕಾರಿ ಸೌಲಭ್ಯ
  • ಭೂಮಿ, ಮಣ್ಣು ಮತ್ತು ಹವಾಮಾನ
  • ತಳಿ ಆಯ್ಕೆ, ಭೂಮಿ ಸಿದ್ಧತೆ ಮತ್ತು ನಾಟಿ
  • ನೀರು, ಗೊಬ್ಬರ, ಕಾರ್ವಿುಕರು ಮತ್ತು ರೋಗ ನಿಯಂತ್ರಣ
  • ಕಟಾವು ನಂತರದ ಪ್ರಕ್ರಿಯೆ, ಮಾರ್ಕೆಟಿಂಗ್
  • ಮೌಲ್ಯವರ್ಧನೆ, ಇಳುವರಿ, ಖರ್ಚು ಮತ್ತು ಲಾಭ
  • ಸವಾಲು ಮತ್ತು ಕಿವಿಮಾತು

https://www.vijayavani.net/one-devotee-died-in-tragedy-happened-during-festival/

https://www.vijayavani.net/a-fraud-person-cheated-a-teacher-by-telling-that-he-is-old-student/

ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net