ಅತಿ ಹೆಚ್ಚು ತೈವಾನ್ ಸೀಬೆ ಬೆಳೆವ 10 ರಾಜ್ಯಗಳು: ಕರ್ನಾಟಕ ಸೇರಿ ನಮ್ಮ ದೇಶದ ಹತ್ತು ರಾಜ್ಯಗಳಲ್ಲಿ ಹೆಚ್ಚು ಸೀಬೆಯನ್ನು ಬೆಳೆಯಲಾಗುತ್ತಿದೆ. ಉತ್ತರ ಪ್ರದೇಶ, ಮಧ್ಯಪ್ರದೇಶ, ಬಿಹಾರ್, ಆಂಧ್ರಪ್ರದೇಶ, ಪಶ್ಚಿಮ ಬಂಗಾಳ, ಛತ್ತೀಸ್ಗಢ, ಪಂಜಾಬ್, ಗುಜರಾತ್, ತಮಿಳುನಾಡು, ಕರ್ನಾಟಕದಲ್ಲಿ ಹೇರಳವಾಗಿ ಸೀಬೆ ಬೆಳೆ ಬೆಳೆಯಲಾಗುತ್ತಿದೆ. ಈ ಹತ್ತು ರಾಜ್ಯಗಳೇ 3,345,37 ಟನ್ ಸೀಬೆಯನ್ನು ದೇಶಕ್ಕೆ ನೀಡುತ್ತಿವೆ. ಹೆಚ್ಚು ಮಳೆ ಬೀಳುವ ಪ್ರದೇಶಗಳು ತೈವಾನ್ನಂತೆ ಅಷ್ಟು ಸೂಕ್ತವಾಗಿಲ್ಲದಿದ್ದರೂ, ಒಳನಾಡಿಗೆ ಇದು ಹೇಳಿ ಮಾಡಿಸಿದ ಬೆಳೆಯೇ ಸರಿ. ಜತೆಗೆ ಈ ಪ್ರದೇಶದಲ್ಲೇ ದೊಡ್ಡ ಮಾರುಕಟ್ಟೆ ಕೂಡ ತೈವಾನ್ ಸೀಬೆ ಪಡೆದುಕೊಂಡಿದೆ. 130 ಕೋಟಿ ಜನಸಂಖ್ಯೆಯನ್ನು ದೃಷ್ಟಿಯಲ್ಲಿಟ್ಟುಕೊಂಡು ಆಲೋಚಿಸಿದರೆ ಭಾರತದಲ್ಲಿ ಉತ್ಪಾದನೆ ಆಗುತ್ತಿರುವ ತೈವಾನ್ ಸೀಬೆ ಏನೇನು ಅಲ್ಲ. ಹೀಗಾಗಿ ಕೃಷಿಕರಿಗೆ ಅಗಾಧ ಅವಕಾಶ ಇಲ್ಲಿದೆ. ತೈವಾನ್ ಸೀಬೆ ಕೃಷಿಯ ಆರಂಭದಲ್ಲಿ ಖರ್ಚು ಬಂದರೂ 12 ವರ್ಷ ನಿರಂತರ ಆದಾಯ ಪಡೆದುಕೊಳ್ಳಬಹುದಾಗಿದೆ.
