ಸಪ್ತಮಾತೃಕೆಯೇ ಈ ದೇವಿ: ಹಾಸನಾಂಬೆಯನ್ನು ಸಪ್ತಮಾತೃಕೆ ಅಂತಲೂ ಕರೆಯಲಾಗುತ್ತದೆ. ವೈಷ್ಣವಿ, ಇಂದ್ರಾಣಿ, ಮಹೇಶ್ವರಿ, ಕೌಮಾರಿ, ಬ್ರಾಹ್ಮೀದೇವಿ, ವರಾಹಿ ಮತ್ತು ಚಾಮುಂಡಿ ದೇವತೆಯರು ವಾರಾಣಸಿ ಕಡೆಯಿಂದ ದಕ್ಷಿಣದತ್ತ ವಿಹಾರಕ್ಕೆ ಬಂದಾಗ ಮಲೆನಾಡ ಸೌಂದರ್ಯಕ್ಕೆ ಮಾರುಹೋಗಿ ಇಲ್ಲೇ ನೆಲೆಸಲು ನಿರ್ಧರಿಸಿದರಂತೆ. ಅವರಲ್ಲಿ ವೈಷ್ಣವಿ, ಕೌಮಾರಿ, ಮಹೇಶ್ವರಿಯರು ಹಾಸನಾಂಬೆ ದೇವಾಲಯದಲ್ಲಿ ಹುತ್ತದ ರೂಪದಲ್ಲಿ ನೆಲೆಸಿದರೆ, ಚಾಮುಂಡಿ, ವರಾಹಿ ಮತ್ತು ಇಂದ್ರಾಣಿಯರು ನಗರದ ಹೃದಯ ಭಾಗದಲ್ಲಿರುವ ದೇವಿಗೆರೆಯ ಬಳಿ ನೆಲೆಸಿದ್ದಾರೆ. ಇನ್ನು ಹಿರಿಯವಳಾದ ಬ್ರಾಹ್ಮೀದೇವಿಯು ತಾಯಿ ಕೆಂಚಾಂಬ ಎನ್ನುವ ಹೆಸರಿನಲ್ಲಿ ಆಲೂರು ತಾಲೂಕಿನ ಹೊಸಕೋಟೆಯಲ್ಲಿ ನೆಲೆಸಿದ್ದು, ಈಗ ಅದನ್ನು ಕೆಂಚಮ್ಮನ ಹೊಸಕೋಟೆ ಎಂದೇ ಕರೆಯಲಾಗುತ್ತದೆ ಎನ್ನುವುದು ಪೌರಾಣಿಕ ಹಿನ್ನೆಲೆ.
