ಮುಂದುವರೆದು, ಬಲೂಚಿಸ್ತಾನವನ್ನು ಪಾಕಿಸ್ತಾನದಿಂದ ಪ್ರತ್ಯೇಕಿಸಿ, ಸಾಧ್ಯವಾದರೆ ಇರಾನ್ನಲ್ಲಿರುವ ಬಲೂಚಿ ಪ್ರದೇಶಗಳನ್ನೂ ಅದಕ್ಕೆ ಸೇರಿಸಿ ಹೊಸದೊಂದು ದೇಶವನ್ನು ಸೃಷ್ಟಿಸುವುದೂ ವಾಷಿಂಗ್ಟನ್ನಲ್ಲಿ ರ್ಚಚಿತವಾಗಿರಬಹುದು. ಆ ದಿನಗಳಲ್ಲಿ ಸ್ವತಂತ್ರ ಬಲೂಚಿಸ್ತಾನಕ್ಕಾಗಿ ಪಾಕಿಸ್ತಾನದ ಬಲೂಚಿಗಳು ಉಗ್ರ ಹೋರಾಟವನ್ನು ಆರಂಭಿಸಿದ್ದು ಹೀಗೆ ‘ಹೊರಗಿನಿಂದ’ ಸಹಕಾರದ ಸೂಚನೆ ಬಂದದ್ದರಿಂದಲೇ ಇರಬೇಕು. ಒಟ್ಟಿನಲ್ಲಿ ಈ ವಲಯದಲ್ಲಿ ಬ್ರಿಟಿಷರು ಮಾಡಿಟ್ಟುಹೋಗಿದ್ದ ಅನಾಹುತಗಳನ್ನು ಸರಿಪಡಿಸಿ, ಜನಾಂಗೀಯತೆಯ ಆಧಾರದ ಮೇಲೆ ರಾಷ್ಟ್ರಗಳನ್ನು ರಚಿಸಿದರೆ ಗಡಿ ವೈಷಮ್ಯಗಳು ಶಮನಗೊಳ್ಳುತ್ತವೆ, ಶಾಂತಿ ಮತ್ತು ಸುಭದ್ರತೆಗೆ ಅನುಕೂಲವಾಗುತ್ತದೆ ಎಂದು ರಿಪಬ್ಲಿಕನ್ ಸರ್ಕಾರ ಆಶಿಸಿದ್ದಿರಬಹುದು. ಜತೆಗೆ, ಅಂತಹ ವ್ಯವಸ್ಥೆಯನ್ನು ತಾನು ನಿರ್ಮಾಣ ಮಾಡುವುದರಿಂದ ಈ ವಲಯದಲ್ಲಿ ಅಮೆರಿಕದ ರಾಜಕೀಯ, ಸೇನಾ ಮತ್ತು ಆರ್ಥಿಕ ಪ್ರಭಾವ ಬೆಳೆಯಲು ಅವಕಾಶವಾಗುತ್ತದೆ ಎಂದೂ ಬುಷ್ ಆಡಳಿತ ಲೆಕ್ಕ ಹಾಕಿದ್ದಿರಬಹುದು. ಅದು ಸಹಜ. ಅಮೆರಿಕಾಗೆ ಲಾಭವಾಗದ ಯಾವ ಕೆಲಸವನ್ನೂ ರಿಪಬ್ಲಿಕನ್ ಪಕ್ಷದ ಸರ್ಕಾರಗಳು ಕೈಗೆತ್ತಿಕೊಳ್ಳುವುದಿಲ್ಲ.
