ಒಂದು ಬೆಳಿಗ್ಗೆ ಮಧುಮಿತ ಸ್ನಾನ ಮಾಡಲು ಹೋಗಿದ್ದಾಗ ಅವಳ ಫೋನ್ ರಿಂಗ್ ಆಯಿತು. ಅದನ್ನು ಮನೋಜ್ ಉತ್ತರಿಸಿದ. ಆನಂತರ ಕುತೂಹಲದಿಂದ ಫೋನ್ ಪರೀಕ್ಷಿಸಿದ. ಅದರಲ್ಲಿ ಹಲವಾರು ವಿಡಿಯೋಗಳು ಡೌನ್ಲೋಡ್ ಆಗಿದ್ದವು. ಅವುಗಳಲ್ಲಿ ಮೊದಲ ವಿಡಿಯೋವನ್ನು ತೆರೆದು ನೋಡಿದಾಗ ಅದರಲ್ಲಿ ಮಧುಮಿತಳೇ ಒಬ್ಬ ಯುವಕನ ಜತೆಗೆ ಕಾಮಕೇಳಿಯಲ್ಲಿದ್ದುದು ಕಂಡಿತು. ಮಧುಮಿತ ಸ್ನಾನ ಮುಗಿಸಿ ಹೊರಬಂದು ‘ನನ್ನ ಫೋನಿನಲ್ಲಿ ನೀನೇನು ನೋಡುತ್ತಿರುವೆ’ ಎಂದು ಪ್ರಶ್ನಿಸಿದಳು. ‘ನೀನು ಕೇವಲ ನೀಲಿಚಿತ್ರಗಳನ್ನು ನೋಡುವ ಚಟ ಬೆಳೆಸಿಕೊಂಡಿರುವೆ ಎಂದು ಭಾವಿಸಿದ್ದೆ, ಇದೇನಿದು ನೀನೇ ಇಂತಹ ಚಿತ್ರದಲ್ಲಿ ಪಾತ್ರಧಾರಿಯಾಗಿರುವಿಯಲ್ಲಾ, ವೈದ್ಯೆಯಾಗಿ ನಾಚಿಕೆ ಬರುವುದಿಲ್ಲವೇ, ಮದುವೆಯೆಂಬ ಸಂಬಂಧಕ್ಕೆ ಮಹತ್ವ ಕೊಡಬೇಕೆಂದು ನಿನಗನಿಸುವುದಿಲ್ಲವೇ?’ ಎಂದು ಮನೋಜ್ ತರಾಟೆಗೆ ತಗೆದುಕೊಂಡ. ‘ಮದುವೆಯಾಗುವ ಮೊದಲೇ ನನಗೆ ಒಬ್ಬನೊಡನೆ ಲೈಂಗಿಕ ಸಂಪರ್ಕವಿತ್ತು ಎಂದಿದ್ದೆನಲ್ಲ, ಆತ ಈ ವಿಡಿಯೋವನ್ನಿಟ್ಟುಕೊಂಡು ನನ್ನನ್ನು ಬ್ಲಾ್ಯಕ್ವೆುೕಲ್ ಮಾಡುತ್ತಿದ್ದಾನೆ, ಹಣಕ್ಕಾಗಿ ಪೀಡಿಸುತ್ತಿದ್ದಾನೆ. ಹಣ ನೀಡದ ಕಾರಣ ಆತನೇ ಈ ವಿಡಿಯೋವನ್ನು ಅಪ್ಲೋಡ್ ಮಾಡಿದ್ದಾನೆ, ಇದು ಹಳೆಯ ವಿಡಿಯೋವೇ ಹೊರತು ನಮ್ಮ ಮದುವೆಯ ನಂತರದ್ದಲ್ಲ’ ಎಂದು ಸಮಜಾಯಿಷಿ ನೀಡಿದಳು. ‘ಹಾಗಾದರೆ ಅವನ ಬಗ್ಗೆ ಪೊಲೀಸರಿಗೆ ದೂರು ನೀಡೋಣ’ ಎಂದು ಮನೋಜ್ ಹೇಳಿದಾಗ, ‘ಈಗಾಗಲೇ ಇದು ಅಪ್ಲೋಡ್ ಆಗಿದೆ, ಇನ್ನು ಅವನು ಪೀಡಿಸುವುದಿಲ್ಲ. ಸುಮ್ಮನಿರುವುದೇ ಲೇಸು’ ಎಂದಳು. ಕೆಲ ದಿನಗಳ ನಂತರ ಮನೋಜ್ನ ವಾಟ್ಸಪ್ಗೆ ಅವನ ಸ್ನೇಹಿತನೊಬ್ಬ ವಿಡಿಯೋವೊಂದನ್ನು ಕಳುಹಿಸಿದ. ಅದು ಮಧುಮಿತಳ ಕಾಮಕೇಳಿಯ ಇನ್ನೊಂದು ವಿಡಿಯೋ ಆಗಿತ್ತು. ಆ ಬಗ್ಗೆ ಪ್ರಶ್ನಿಸಿದಾಗ ಆಕೆ ಸರಿಯಾಗಿ ಉತ್ತರಿಸದೆ ‘ಬೇರೆ ಯಾರದೋ ದೇಹಕ್ಕೆ ನನ್ನ ತಲೆಯನ್ನು ಅಂಟಿಸಲಾಗಿದೆ’ ಎಂದಳು. ‘ಮುಂಬೈನಲ್ಲಿ ಸಿನಿಮಾ ನಟಿಯ ಪತಿಯೊಬ್ಬ ಇಂತಹ ವಿಡಿಯೋಗಳ ತಯಾರಿಕೆ ಮಾಡುತ್ತಾನೆ ಎನ್ನುವ ಆರೋಪವಿದೆ, ನೀನೇನಾದರೂ ಅಂತಹ ಜಾಲಕ್ಕೆ ಸಿಲುಕಿರುವಿಯಾ’ ಎಂದಾಗ ಮಧುಮಿತ ‘ಇಲ್ಲ’ ಎಂದಳು. ಪೊಲೀಸ್ ದೂರು ನೀಡೋಣ ಎಂದಾಗ ಆಕೆ ಬೇಡ ಎಂದಳು.
