ಇನ್ನ ಮುಂಜ ಮುಂಜಾನೆದ್ದ ಇಕಿದೇನ ಬಾಯಿ ಹತ್ತೋದ ಬಿಡ ಅಂತ, ‘ಏನಿಲ್ಲಾ, ಕಲ್ಯಾರ ಮನ್ಯಾಗ ಕಲ್ಯಾಣೋತ್ಸವ ಮಾಡಲಿಕತ್ತಾರ ಅದಕ್ಕ ಹೊಂಟೇನಿ, ಮಧ್ಯಾಹ್ನ ಊಟಾ ಅಲ್ಲೇ’ ಅಂತ ಹೇಳಿದೆ. ಇನ್ನ ಕಲ್ಯಾಣೋತ್ಸವ ಅಂದರ ದೇವರ ಕೆಲಸ. ಹಿಂಗಾಗಿ ಅಕಿ ಏನ ಮುಂದ ಮಾತಾಡ್ಲಿಲ್ಲಾ. ಆದರೂ ತಡ್ಕೊಳಿಕ್ಕೆ ಆಗಲಾರದ ‘ಅಲ್ಲಾ, ನಿಮ್ಮ ಒಬ್ಬರಿಗೆ ಹೇಳ್ಯಾರೋ ಏನ ದಂಪತ್ ಹೇಳ್ಯಾರೋ?’ ಅಂತ ಕೇಳಿದ್ಲು. ಹಂಗ ಯಾಕ ಕೇಳಿದ್ಲು ಅಂದರ ಹಿಂದಕ ಒಂದ ಮೂರ-ನಾಲ್ಕ ಫಂಕ್ಶನಗೆ ನಾ ದಂಪತ್ ಕರದಾಗ ಇಕಿನ್ನೆಲ್ಲೇ ಬಾಲಂಗಸಿಗತೆ ಕಟಗೊಂಡ ಹೋಗೊದು ಅಂತ ಇಕಿಗೆ ಹೇಳಿದ್ದಿಲ್ಲ, ಮುಂದ ಕರದವರ ಎಲ್ಲೇರ ಇಕಿಗೆ ಭೆಟ್ಟಿ ಆದಾಗ, ‘ಏನ ಮೊನ್ನೆ ಸತ್ಯನಾರಾಯಣ ಪೂಜಾಕ್ಕ ಬರಲಿಲ್ಲ...ಯಾಕ ಬರೋಹಂಗ ಇದ್ದಿದ್ದೀಲ್ಲೇನ?’ ಅಂತ ಕೇಳಿದಾಗ ಇಕಿಗೆ ಗೊತ್ತಾಗತಿತ್ತ ಅವರ ದಂಪತ್ತ ಕರದಿದ್ದರ ನಾ ಇಕಿಗೆ ಹೇಳಿದ್ದಿಲ್ಲಾ ಅಂತ.
