57 ವರ್ಷದ ತಮಿಳುನಾಡಿನ ಮಹಿಳೆಯೊಬ್ಬಳು ತನ್ನ ಮಗಳನ್ನು ಒಂಟಿಯಾಗಿ ಬೆಳೆಸುವ ಸಲುವಾಗಿ ಪುರುಷ ಪ್ರಧಾನ ಸಮಾಜದಲ್ಲಿ 30 ವರ್ಷ ಪುರುಷನಂತೆ ವೇಷ ಧರಿಸಿದ್ದಳು ಎಂದು ಕೇಳಿದರೆ ಆಶ್ಚರ್ಯವಾಗುತ್ತದೆ. ಹೌದು. ತಮಿಳುನಾಡಿನ ಕಾಟುನಾಯಕನಹಟ್ಟಿ ನಿವಾಸಿಯಾದ ಎಸ್.ಪಚ್ಚಿಯಮ್ಹಾಳ್ ಎಂಬ ಮಹಿಳೆಯೇ ಆ ಗಟ್ಟಿಗಿತ್ತಿ. 20ನೇ ವಯಸ್ಸಿಗೇ ವೈವಾಹಿಕ ಬಂಧನಕ್ಕೆ ಒಳಗಾದರೂ, ಮದುವೆಯಾಗಿ ಕೆಲ ದಿನಗಳಲ್ಲಿಯೇ ಪತಿಯನ್ನು ಕಳೆದುಕೊಳ್ಳುತ್ತಾಳೆ. ಹೃದಯಾಘಾತದಿಂದ ಪತಿ ಮರಣ ಹೊಂದಿದ ಕೆಲ ತಿಂಗಳಲ್ಲೇ ಹೆಣ್ಣು ಮಗುವಿಗೂ ಜನ್ಮ ನೀಡುತ್ತಾಳೆ. ಕುಟುಂಬ ನಿರ್ವಹಣೆಗೆ ದುಡಿಯುವುದು ಅನಿವಾರ್ಯವಾಗುತ್ತದೆ. ಆದರೆ ಅವಳು ಜೀವಿಸುತ್ತಿರುವುದು ಪುರುಷ ಪ್ರಧಾನ ಸಮಾಜದಲ್ಲಾಗಿದ್ದರಿಂದ ಅಲ್ಲಿನ ಗ್ರಾಮಸ್ಥರ ಲೈಂಗಿಕ ಕಿರುಕುಳ ಮತ್ತಿತರ ಕೆಲ ಸವಾಲು ಎದುರಿಸಬೇಕಾಗಿ ಬರುತ್ತದೆ. ಅದಕ್ಕಾಗಿಯೇ ಇರುವ ಕಟ್ಟುಪಾಡು ಮುರಿದು, ಪುರುಷನ ವೇಷ ಧರಿಸುವ ದೃಢ ನಿರ್ಧಾರ ಮಾಡಿಕೊಳ್ಳುತ್ತಾಳೆ. ಪುರುಷರಂತೆ ಕೂದಲು ಕತ್ತರಿಸಿಕೊಂಡು, ಸೀರೆ ಬಿಟ್ಟು ಶರ್ಟ್, ಲುಂಗಿ ಧರಿಸಲು ಮುಂದಾಗುತ್ತಾಳೆ ಮತ್ತು ಹೆಸರನ್ನು ಮುತ್ತು ಎಂದು ಬದಲಾಯಿಸಿಕೊಂಡು ಪುರುಷನಂತೆಯೇ ಜೀವಿಸಲು ಆರಂಭಿಸು ತ್ತಾಳೆ. ನಂತರ ಕಟ್ಟಡ ನಿರ್ಮಾಣ ಸ್ಥಳ, ಹೋಟೆಲ್ ಮತ್ತು ಟೀ ಅಂಗಡಿಗಳಲ್ಲಿ ಕೆಲಸ ಮಾಡಲು ಪ್ರಾರಂಭಿ ಸುತ್ತಾಳೆ. ಅಲ್ಲದೇ ಕೆಲಸಕ್ಕೆ ತಕ್ಕಂತೆ ಪಚ್ಚಿಯಮ್ಹಾಳ್ ಅಲಿಯಾಸ್ ಮುತ್ತು ತಮ್ಪಚ್ಚಿಯಮ್ಹಾಳ್ಮ ಎಂಬ ಹೆಸರಿನಲ್ಲೇ ಆಧಾರ್ ಕಾರ್ಡ್, ಮತದಾರರ ಗುರುತಿನ ಚೀಟಿ ಹಾಗೂ ಬ್ಯಾಂಕ್ ಖಾತೆಯನ್ನೂ ಮಾಡಿಸುತ್ತಾಳೆ.
