ಆರನೆಯ ಕಲ್ಲೋಲದಲ್ಲಿ ವೃಕ್ಷಗಳ ವರ್ಣನೆ, ಸಸ್ಯ ಉದ್ಯಾನದ ಮಾಹಿತಿ, ಭೂಮಿಯ ಗುಣ ವಿಮರ್ಶೆ, ಸ್ತ್ರೀಯರಲ್ಲಿಯ ಭೇದಗಳು, ವಾತ-ಪಿತ್ತ-ಕಫ ಪ್ರಕೃತಿಯ ಲಕ್ಷಣಗಳು, ಕಾಮಶಾಸ್ತ್ರದ ವಿವರಗಳು, ತೈಲ ಅಭ್ಯಂಗ ಸ್ನಾನದ ಮಾಹಿತಿ, ತೈಲದ ವಿಧಗಳು, ತೈಲ ತಯಾರಿಸುವ ವಿಧಾನ, ಗಂಧಗಳ ತಯಾರಿ, ಧೂಪ ತಯಾರಿಕಾ ವಿಧಾನ, ತಾಂಬೂಲ ವಿಚಾರ, ವಸ್ತ್ರಗಳ ವಿಶ್ಲೇಷಣೆ, ಕಾಲಕ್ಕನುಗುಣವಾಗಿ ಧರಿಸಬೇಕಾದ ವಸ್ತ್ರ ಮಾಹಿತಿ, ಹೂವು, ಹಾರ, ಮಾಲೆ, ಆಭರಣಗಳ ಧಾರಣೆ, ರತ್ನ ಉಪರತ್ನಗಳ ಸಮಗ್ರ ಮಾಹಿತಿ, ಅವುಗಳ ದೋಷ ನಿವಾರಣೆ, ರತ್ನಧಾರಣೆಯ ಫಲ, ಧಾನ್ಯ ವಿಚಾರ, ಭಕ್ಷ್ಯ, ಲೇಹ್ಯ ಮೊದಲಾದ ವಿವರಣೆ, ಭೋಜನ ನಂತರದ ಕರ್ತವ್ಯಗಳು, ಶಯನ ಸಂಬಂಧೀ ವಿಚಾರಗಳು, ವಿಭಿನ್ನ ಮಂಚಗಳ ಗುಣಗಳು, ಶರೀರವನ್ನು ಸದೃಢಗೊಳಿಸುವ ಉಪಾಯಗಳು, ಅಷ್ಟಾಂಗ ಆಯುರ್ವೆದದ ವಿವರಣೆ, ರೋಗಿ ಪರೀಕ್ಷೆ, ಮಹಾರೋಗಗಳ ವರ್ಣನೆ, ಔಷಧ ನಿರ್ವಣ, ಔಷಧ ಸೇವನಾ ವಿಧಿ, ಆಹಾರ ದ್ರವ್ಯಗಳು, ಗೋವಿನ ಕ್ಷೀರಾದಿಗಳ ಗುಣಧರ್ಮ, ಸ್ವರ್ಣ ಮೊದಲಾದ ಲೋಹಗಳ ಶುದ್ಧೀಕರಣ, ಭಸ್ಮಆ ತಯಾರಿ ವಿಧಾನ, ಪಾದರಸದ ಪರಿಜ್ಞಾನ, ಭಸ್ಮ ಔಷಧಿಗಳ ಪ್ರಯೋಗ, ಗುಣ ವಿಶೇಷಗಳು, ರಸಾದಿಗಳ ಶೋಧನ, ಸಂಸ್ಕಾರ ಕ್ರಮಗಳು, ಔಷಧ ತಯಾರಿಕಾ ವೈದ್ಯಶಾಲೆ ಹಾಗೂ ಯಂತ್ರಗಳ ನಿರೂಪಣೆ, ವಿಷ ಮೂಲಗಳು, ವಿಷಬಾಧಿತರಿಗೆ ಚಿಕಿತ್ಸೆ, ಆಯುರ್ವೆದ ವಿಧಾನದಿಂದ ರಾಜರ ಶರೀರ ಸಂರಕ್ಷಣೆಗಳೆಲ್ಲಾ ವಿವರಿಸಲ್ಪಟ್ಟಿವೆ. ಏಳನೆಯ ಕಲ್ಲೋಲದಲ್ಲಿ ಸ್ತ್ರೀಯರ ಗರ್ಭಚಿಹ್ನೆಗಳು, ಸ್ತ್ರೀ ಪುರುಷರ ದೇಹದ ಶುಭಾಶುಭ ಲಕ್ಷಣ, ಯೋಗ, ಎಂಟನೆಯ ಕಲ್ಲೋಲದಲ್ಲಿ ರುದ್ರಾಕ್ಷಿ, ಧ್ಯಾನ, ಜಪಗಳ ಮಾರ್ಗದರ್ಶನವಿದೆ. ಒಂಬತ್ತನೆಯ ಕಲ್ಲೋಲದಲ್ಲಿ ಶರೀರದ ಕ್ರಮವಿಸ್ತಾರ, ಬಾಲ್ಯದಿಂದ ಮುಪ್ಪು ಹೊಂದುವ ವಿಚಾರ, ಸ್ಥೂಲದೇಹ-ಹೀಗೆ ಅನೇಕಾನೇಕ ಅಮೂಲ್ಯ ವಿಚಾರಗಳಿಂದ ಸಂಪನ್ನವಾದ ಅತುಲ್ಯ ಗ್ರಂಥರತ್ನವಾಗಿರುವುದು ಜಗತ್ತಿಗೆ ಕನ್ನಡನಾಡಿನ ಉನ್ನತ ಕೊಡುಗೆಯಾಗಿ ಶೋಭಿಸುತ್ತಿದೆ.
