ವಿವಿಧ ಶಾಲಾ-ಕಾಲೇಜುಗಳಿಗೆ ತೆರಳಿ ಭಾರತೀಯ ಸೇನೆಗೆ ಸೇರಲು ವಿದ್ಯಾರ್ಥಿಗಳಲ್ಲಿ ಪ್ರೇರಣೆ ತುಂಬುತ್ತಿದ್ದಾರೆ. ಕರ್ನಾಟಕ, ಆಂಧ್ರಪ್ರದೇಶ, ತೆಲಂಗಾಣ, ತಮಿಳುನಾಡು ಮತ್ತು ಕೇರಳ ರಾಜ್ಯಗಳಲ್ಲಿ 1,401 ಕಿ.ಮೀ. ದೂರವನ್ನು ಸೈಕಲ್ ಮೂಲಕ ಕ್ರಮಿಸಲಿದ್ದಾರೆ. ‘ಯಾವುದೇ ನಗರ ಅಥವಾ ಗ್ರಾಮ ಪ್ರವೇಶಿಸಿದಾಗ ಜನರು ಪ್ರೀತಿಯಿಂದ ಬರಮಾಡಿಕೊಳ್ಳುತ್ತಿದ್ದಾರೆ. ನಾವು ಹುತಾತ್ಮ ಯೋಧರ ಪತ್ನಿಯರನ್ನು ಭೇಟಿಯಾಗಿ ಸಂಕಷ್ಟ ಆಲಿಸುತ್ತಿದ್ದೇವೆ. ಅವರ ಕೌಟುಂಬಿಕ ಸ್ಥಿತಿಗತಿ ಕುರಿತು ಅಭ್ಯಸಿಸುತ್ತಿದ್ದೇವೆ. ಸೇನೆ ಬಗ್ಗೆ ಅವರಿಗಿರುವ ಪ್ರೀತಿ ಕಂಡು ಸಂತಸಗೊಳ್ಳುತ್ತಿದ್ದೇವೆ. ಅಂತಿಮವಾಗಿ ಅಧ್ಯಯನ ವರದಿಯನ್ನು ಮೇಲಧಿಕಾರಿಗೆ ಒಪ್ಪಿಸುತ್ತೇವೆ’ ಎನ್ನುತ್ತಾರೆ ಸೈಕಲ್ ಯಾತ್ರೆ ಮುನ್ನಡೆಸುತ್ತಿರುವ ಕ್ಯಾಪ್ಟನ್ ನರೇಂದ್ರ ಪಾಂಚಾಲ್.
