ಲಕ್ಷ ಲಕ್ಷದ ಲೆಕ್ಕದಲ್ಲಿ ದುಡ್ಡು ಹರಿದು ಬಂದಾಗ ರಾಯರು ಮೈಮರೆಯಲಿಲ್ಲ, ತೆಪ್ಪಗೆ ಕೂರಲಿಲ್ಲ. ಬದಲಿಗೆ ‘ಈ ನಾಡು’ ಎಂಬ ತೆಲುಗು ದಿನಪತ್ರಿಕೆಯನ್ನು ಪ್ರಾರಂಭಿಸಿದರು. ಅದು ತೆಲುಗಿನ ನಂ. 1 ಪತ್ರಿಕೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ನಂತರ ಅವರು ನೋಡಿದ್ದು ಸಿನಿಮಾ ಇಂಡಸ್ಟ್ರಿ ಕಡೆಗೆ. ಒಂದು ಸಿನಿಮಾ ಚಿತ್ರೀಕರಣಕ್ಕೆ ಹೊರಾಂಗಣ ಘಟಕ, ಒಳಾಂಗಣ ಘಟಕ, ಮೈದಾನ, ಈಜುಕೊಳ, ಅರಮನೆ, ಸೆರೆಮನೆ ಇವೆಲ್ಲ ಬೇಕು ತಾನೆ? ಇದೆಲ್ಲ ಒಂದೇ ಕಡೆ ಇರಬೇಕು ಎಂದು ಯೋಚಿಸಿದ ರಾಮೋಜಿ ರಾವ್ ಹೈದರಾಬಾದ್ನಿಂದ 35 ಕಿ.ಮೀ. ದೂರದಲ್ಲಿ ಚಿತ್ರನಗರಿ ನಿರ್ವಿುಸಿಯೇ ಬಿಟ್ಟರು. ಇವತ್ತು ರಾಮೋಜಿ ಫಿಲ್ಮ್ಸಿಟಿಯಲ್ಲಿ ಏನಿಲ್ಲ ಎಂಬುದನ್ನು ಭೂತಗಾಜು ಹಾಕಿ ಹುಡುಕಬೇಕು, ಹಾಗಿದೆ ಆ ಜಾಗ. ಈ ಸಾಹಸದ ನಂತರ ಉಷಾಕಿರಣ ಮೂವೀಸ್ ಲಾಂಛನದಲ್ಲಿ ಹತ್ತಾರು ಸಿನಿಮಾ ನಿರ್ವಿುಸಿದ ಅವರು ಈಟೀವಿ ವಾಹಿನಿಯನ್ನೂ ಪ್ರಾರಂಭಿಸಿದರು. ಹೆಸರು, ಹಣ, ಖ್ಯಾತಿ, ಯಶಸ್ಸು ಪಡೆಯುವುದು ಹೇಗೆ ಎಂಬ ಪ್ರಶ್ನೆಗೆ ‘ರಾಮೋಜಿ ರಾಯರ’ ಉದಾಹರಣೆ ಸಾಕಲ್ಲವೇ?
