ನಾವು ತೊಡಗುವ ಕೆಲಸದ ಜಯ, ಅಪಜಯಗಳಿಗೆ ಮನಸ್ಸಿನ ವಿಶ್ವಾಸವೇ ಒಂದು ದೊಡ್ಡ ಸಾಧನ ಎಂಬ ಶಿವರಾಮ ಕಾರಂತರ ನುಡಿಯಂತೆ, ವಿಶ್ವಾಸದಿಂದ ಯಾವ ಕೆಲಸ ಮಾಡಿದರೂ ಅದು ಯಶಸ್ವಿಯಾಗುತ್ತದೆ. ಪುರುಷರಂತೆ ಮಹಿಳೆಯರು ಕೂಡ ಎಲ್ಲ ಬಗೆಯ ದ್ವಿಚಕ್ರ ವಾಹನಗಳನ್ನು ಚಾಲನೆ ಮಾಡುವ ಅಭ್ಯಾಸ ಮಾಡಿಕೊಂಡರೆ ದೈನಂದಿನ ಕೆಲಸ ಕಾರ್ಯಗಳು, ಔದ್ಯೋಗಿಕ ಜೀವನ, ಸ್ವಯಂ ಉದ್ಯೋಗ ಈ ಎಲ್ಲ ರಂಗಗಳನ್ನು ಹೆಚ್ಚು ಒತ್ತಡವಿಲ್ಲದೆ ನಿಭಾಯಿಸಬಹುದು. ಒಂಟಿಯಾಗಿ ಮೋಟಾರ್ ಸೈಕಲ್ ರೈಡ್ ಮಾಡುವುದರಿಂದ ಮನಸ್ಸಿನ ಉಲ್ಲಾಸ ಹೆಚ್ಚುತ್ತದೆ. ಮನೋಲ್ಲಾಸಕ್ಕಾಗಿ, ಸ್ವಾವಲಂಬಿಯಾಗಿ ಅನೇಕ ಕೆಲಸಗಳ ನಿರ್ವಹಣೆಯ ಆಪ್ತಮಿತ್ರನಂತೆ ಮಹಿಳೆಯರು ದ್ವಿಚಕ್ರ ವಾಹನ ಬಳಸುವಂತಾಗಬೇಕು.
