ಒಂದು ಖುಷಿಯ ವಿಷಯವೆಂದರೆ, ಇಂದು ಸೈಕ್ಲಿಂಗ್ ಮಾಡುವವರ ಸಂಖ್ಯೆ ಹೆಚ್ಚಾಗುತ್ತಿದೆ. ಅದರಲ್ಲೂ ಬೆಂಗಳೂರಿನಲ್ಲಿ ಹಲವು ಸೈಕ್ಲಿಂಗ್ ಕ್ಲಬ್ಗಳು ಹುಟ್ಟಿಕೊಂಡಿವೆ. ಈ ಮೂಲಕ ಸೈಕ್ಲಿಸ್ಟ್ಗಳಿಗೆ ಒಳ್ಳೆಯ ವೇದಿಕೆ ನಿರ್ವಣವಾಗುತ್ತಿದೆ. ಬೆಂಗಳೂರು ಮೊದಲಿನಿಂದ ಯುವಕರ ನಗರ ಎಂದೇ ಜನಪ್ರಿಯ. ಏಕೆಂದರೆ, ಇಲ್ಲಿ ಐಟಿ-ಬಿಟಿ ಕಂಪನಿಗಳು ಹೆಚ್ಚಿದ್ದು, ಯುವ ಜನತೆ ದೊಡ್ಡ ಸಂಖ್ಯೆಯಲ್ಲಿದ್ದಾರೆ. ಆರಂಭದಲ್ಲಿ ಬೈಕ್, ಕಾರ್ ಎಂದು ಓಡಾಡಿಕೊಂಡಿದ್ದವರಿಗೆ, ಕ್ರಮೇಣ ಸೈಕಲ್ನ ಮಹತ್ವ ಗೊತ್ತಾಗಿದೆ. ಅದೇ ಕಾರಣಕ್ಕೆ, ಇಂದು ಹಲವರು ವಾರಾಂತ್ಯಗಳಲ್ಲಿ ನಂದಿ ಬೆಟ್ಟ, ಕನಕಪುರ, ಮೈಸೂರು ಮುಂತಾದ ಕಡೆ ಸೈಕ್ಲಿಂಗ್ ಹೋಗುವುದಷ್ಟೇ ಅಲ್ಲ, ತಮ್ಮ ಆಫೀಸುಗಳಿಗೂ ಸೈಕಲ್ಗಳಲ್ಲೇ ಹೋಗುತ್ತಿದ್ದಾರೆ. ಬೆಂಗಳೂರಿನಲ್ಲಿ ಕೆಲವು ಕಡೆ ಸೈಕ್ಲಿಂಗ್ ಟ್ರಾ್ಯಕ್ಗಳು ಸಹ ಇದೆ. ಒಂದು ಕಾಲದಲ್ಲಿ ಬೆಂಗಳೂರಿನಲ್ಲಿ ಸೈಕ್ಲಿಂಗ್ ಸಂಸ್ಕೃತಿಯೇ ನಶಿಸುತ್ತಿದೆ ಎನ್ನುವಂತಿತ್ತು. ಆದರೆ, ಇಂದು ಸೈಕ್ಲಿಂಗ್ ಮಾಡುವವರ ಸಂಖ್ಯೆ ಗಣನೀಯವಾಗಿ ಹೆಚ್ಚಿದೆ.
