ಈ ಬ್ಲ್ಯಾಕ್ ಕಾಫಿಯಲ್ಲಿರುವ ಪೋಷಕಾಂಶಗಳ ಬಗ್ಗೆ ಹೇಳುವುದಾದರೆ, ಕಾಫಿಯು ನೈಸರ್ಗಿಕವಾಗಿ ವಿಟಮಿನ್ ಬಿ-2, ವಿಟಮಿನ್ ಬಿ-3, ಮೆಗ್ನೀಷಿಯಂ, ಪೊಟಾಷಿಯಂ ಸೇರಿದಂತೆ ವಿವಿಧ ಫಿನಾಲಿಕ್ ಸಂಯುಕ್ತ ಅಂಶಗಳಿಂದ ಸಮೃದ್ಧವಾಗಿದೆ. ಜತೆಗೆ ಬ್ಲ್ಯಾಕ್ ಕಾಫಿಯಲ್ಲಿ ಹಾಲು ಮತ್ತು ಸಕ್ಕರೆ ಇಲ್ಲದ ಕಾರಣ, ಕೊಬ್ಬು ಮತ್ತು ಕಾರ್ಬೋಹೈಡ್ರೇಟ್ಗಳು ಇದರಲ್ಲಿ ಸೊನ್ನೆ ಎಂದೇ ಹೇಳಬಹುದು. ಒಂದು ಕಪ್ ಕಾಫಿಯು ಮ್ಯಾಂಗನೀಸ್, ಸೋಡಿಯಂ, ರೈಬೋಫ್ಲಾವಿನ್ ಮತ್ತು ನಿಯಾಸಿನ್ನಂತಹ ಹಲವು ಸೂಕ್ಷ್ಮ ಪೋಷಕಾಂಶಗಳ ಉತ್ತಮ ಮೂಲವಾಗಿದೆ. ಬ್ಲ್ಯಾಕ್ ಕಾಫಿಯಲ್ಲಿರುವ ಕೆಫೀನ್ ಅಂಶವು ಮೆದುಳನ್ನು ಚುರುಕುಗೊಳಿಸುವುದಲ್ಲದೆ, ಕಾರ್ಯಕ್ಷಮತೆಯನ್ನು ಹೆಚ್ಚಿಸುವುದರಿಂದ ಬಹಳಷ್ಟು ಮಂದಿ ವ್ಯಾಯಾಮಕ್ಕಿಂತ ಮೊದಲು ಬ್ಲ್ಯಾಕ್ ಕಾಫಿ ಸೇವನೆಗೆ ಹೆಚ್ಚು ಒತ್ತು ಕೊಡುತ್ತಾರೆ.
