ಬಹುತೇಕ ಮನಃಶಾಸ್ತ್ರಜ್ಞರ ಪ್ರಕಾರ ಮಕ್ಕಳ ಮೊಬೈಲ್ ಗೀಳಿನ ಹಿಂದೆ ತಂದೆ, ತಾಯಿಯರ ಮೊಬೈಲ್ ಮೋಹ ಪ್ರಭಾವ ಬೀರಿರುತ್ತದೆ. ವಾಟ್ಸ್ಆಪ್ ಗ್ರೂಪ್ನಲ್ಲಿನ ಫೋಟೋ ಫೇಸ್ಬುಕ್ನಲ್ಲಿ ಬಂದಿರುವ ಕಮೆಂಟ್, ಲೈಕ್ಗಳನ್ನು ಮಕ್ಕಳಿಗೆ ತೋರಿಸಿ, ತಿಳಿಸಿ ಬಹುತೇಕ ಪಾಲಕರು ಖುಷಿ ಪಡುತ್ತಾರೆ. ಅಪ್ಪ, ಅಮ್ಮನಿಗೆ ಖುಷಿ ನೀಡುವ ಮೊಬೈಲ್ ಬಗ್ಗೆ ಮಕ್ಕಳು ಸ್ವಲ್ಪ ಹೆಚ್ಚಾಗಿಯೇ ಆಕರ್ಷಿತರಾಗುತ್ತಾರೆ. ಮೊಬೈಲ್ ಕೈಗೆ ಬಂದ ಬಳಿಕ ಸ್ನೇಹಿತರು, ಕುಟುಂಬ ಸದಸ್ಯರನ್ನು ಅನುಸರಿಸಿ ಆನ್ಲೈನ್ ಗೇಮ್ಳಿಗೆ ಮೊರೆ ಹೋಗುತ್ತಾರೆ. ಹೀಗಾಗಿ ಫೋನ್ ಬಳಸುವ ಪಾಲಕರು ಮಕ್ಕಳ ಮೇಲೆ ಪ್ರಭಾವ ಬೀರದ ಹಾಗೆ ಪರಿಸ್ಥಿತಿ ನಿಭಾಯಿಸಿದರೆ ಸುತ್ತಲಿನ ಪರಿಸರವೂ ಆರೋಗ್ಯಕರವಾಗಿರುತ್ತದೆ ಎಂಬ ಅಭಿಪ್ರಾಯವಿದೆ.
