ಮುಂಚಿನ ಪ್ರೌಢಾವಸ್ಥೆಯಿಂದಾಗಿ ಹೆಣ್ಮಕ್ಕಳು ಮಾನಸಿಕ, ದೈಹಿಕವಾಗಿ ಕುಗ್ಗಿ ಹೋಗುತ್ತಾರೆ. ಅವರು ಸಾಮಾನ್ಯಕ್ಕಿಂತ ಕಡಿಮೆ ತೂಕ ಹೊಂದುತ್ತಾರೆ. ಭಾವನಾತ್ಮಕ ಬದಲಾವಣೆಗಳಿಂದಾಗಿ ಖಿನ್ನತೆ ಉಂಟಾದಲ್ಲಿ ಮದ್ಯ ಸೇವನೆ, ಡ್ರಗ್ಸ್ಗಳಂತಹ ದುಶ್ಚಟಗಳಿಗೆ ಬಲಿಯಾಗಬಹುದು. ಪರಿಣಾಮವಾಗಿ ಅವರಲ್ಲಿ ಲೈಂಗಿಕ ಪ್ರಚೋದನೆಗಳು ಹೆಚ್ಚುವ ಸಂಭವವಿರುತ್ತದೆ. ಇದು ಬಹಳ ಆಘಾತಕಾರಿ ಹಾಗೂ ಅಪಾಯಕಾರಿಯಾಗಿದೆ. ಏಕೆಂದರೆ ಹರೆಯದ ಹುಡುಗಿಯರ ಮನಸ್ಸು ಲಗಾಮಿಲ್ಲದ ಕುದುರೆಯಂತೆ ಓಡುತ್ತಿರುತ್ತದೆ. ಅಂತಹ ಸಮಯದಲ್ಲಿ ಅವರು ಅರ್ಥ ಮಾಡಿಕೊಳ್ಳುವಷ್ಟು ಪ್ರಬುದ್ಧರಾಗಿರುವುದಿಲ್ಲ ಹಾಗೂ ಪ್ರಚೋದನೆಯನ್ನು ರಚನಾತ್ಮಕವಾಗಿ ಬಗೆಹರಿಸಲು ಸಾಧ್ಯವಾಗುವುದಿಲ್ಲ. ಅಲ್ಲದೆ ಸಾಂಕ್ರಾಮಿಕವಲ್ಲದ ರೋಗಪೀಡಿತರಾಗುವ ಸಂಭವವಿದೆ. ಬಂಜೆತನ , ಎಂಡೋಮೆಟ್ರಿಯೋಸಿಸ್, ತೀವ್ರ ನೋವು, ಅತಿಯಾದ ರಕ್ತ ಸ್ರಾವ, ಗರ್ಭಾಶಯದ ಗಡ್ಡೆಗಳು , ಸಂತಾನೋತ್ಪತ್ತಿಗೆ ಅಡಚಣೆಗಳು, ಕ್ಯಾನ್ಸರ್ ಮುಂತಾದ ಸಮಸ್ಯೆಗಳು ಎದುರಾಗಬಹುದು. ಆದ್ದರಿಂದ ಚಿಕ್ಕ ಪ್ರಾಯದಲ್ಲೇ ಪ್ರೌಢಾವಸ್ಥೆಗೆ ಬರುವ ಅಪಾಯಗಳನ್ನು ಹೇಗೆ ಸರಿದೂಗಿಸಬಹುದು ಎಂಬುದನ್ನು ಪೋಷಕರು ಅರಿತು ತಮ್ಮ ಮಕ್ಕಳಿಗೂ ವಿವರಿಸಬಹುದು.
