ಹಾಲು ವೆಚ್ಚಕ್ಕಿಲ್ಲ ಕಡಿವಾಣ, ಹೈನುಗಾರರು ಹೈರಾಣ..

ಇಡೀ ವಿಶ್ವದ ಹಾಲಿನ ಪ್ರಮಾಣದಲ್ಲಿ ಶೇ.22 ಕೊಡುಗೆ ಭಾರತದ್ದು. ದೇಶದಲ್ಲಿ ಪ್ರತಿದಿನ 200 ಮಿಲಿಯನ್ ಲೀಟರ್ ಹಾಲಿನ ಉತ್ಪಾದನೆ ಇದೆ. ಪ್ರತಿಯೊಬ್ಬ ವ್ಯಕ್ತಿಗೆ 280 ಗ್ರಾಂ ಹಾಲಿನ ಅವಶ್ಯಕತೆ ಇದ್ದು, ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಹಾಲು ಉತ್ಪಾದನೆ ಶೇ.5 ಹೆಚ್ಚಳವಾಗಿದೆ. ಅಂತೆಯೇ ಉತ್ಪಾದನೆ ಜತೆಗೆ ವೆಚ್ಚವೂ ಹೆಚ್ಚುತ್ತಿದೆ. ಹೀಗಾಗಿ ಹೈನá-ಗಾರರಿಗೆ ಲಾಭ ಸಿಗá-ತ್ತಿಲ್ಲ. ಈ ಬಗ್ಗೆ ವಿವರ ಇಲ್ಲಿದೆ.

| ನವೀನ್ ಬಿಲ್ಗುಣಿ ಶಿವಮೊಗ್ಗ

ಕರೊನಾ 3ನೇ ಅಲೆ ತಗ್ಗಿದ ಬಳಿಕ ರಾಜ್ಯದಲ್ಲಿ ಹಾಲಿನ ಉತ್ಪಾದನೆ ಗಣನೀಯವಾಗಿ ಹೆಚ್ಚುತ್ತಿದೆ. ರಾಜ್ಯದ 14 ಒಕ್ಕೂಟಗಳಲ್ಲೂ ಕನಿಷ್ಠ 50ರಿಂದ 1 ಲಕ್ಷ ಲೀಟರ್​ವರೆಗೂ ಹಾಲಿನ ಮಾರುಕಟ್ಟೆ ವೃದ್ಧಿಯಾಗಿದೆ. ಹೈನುಗಾರರ ಪ್ರಕಾರ ಪ್ರತಿ ಲೀಟರ್​ಗೆ ಹಾಲಿನ ಉತ್ಪಾದನೆ ವೆಚ್ಚ 35ರಿಂದ 40 ರೂ. ಆಗá-ತ್ತಿದೆ. ಆದರೆ, ಸರ್ಕಾರದ ಸಹಾಯಧನವೂ ಸೇರಿ 30 ರಿಂದ 32 ರೂ.ವರೆಗೂ ಮಾತ್ರ ಕೈ ಸೇರುತ್ತಿದೆ. ಕಳೆದ ಮೂರ್ನಾಲ್ಕು ತಿಂಗಳಲ್ಲೇ 50 ಕೆಜಿ ಹಿಂಡಿ ಚೀಲದ ಬೆಲೆ 1,800ರಿಂದ 2,050 ರೂ.ಗೆ ಏರಿಕೆಯಾಗಿದೆ. ಬೂಸಾ ದರ 900 ರೂ.ನಿಂದ 1,200 ರೂ.ಗೆ ಜಿಗಿದಿದೆ. ರಾಗಿ ಹುಲ್ಲಿನ ದರ ಪಿಂಡಿಗೆ 200 ರೂ.ನಿಂದ 300 ರೂ. ವರೆಗೆ ಇದೆ. ಭತ್ತದ ಹುಲ್ಲಿಗೆ ವರ್ಷದಿಂದ ವರ್ಷಕ್ಕೆ ಬೇಡಿಕೆ ಹೆಚ್ಚುತ್ತಿದೆ. ಕಳೆದ ವರ್ಷ 30ರಿಂದ 32 ರೂ. ಇದ್ದ ಪ್ರತಿ ಪೆಂಡಿಗೆ 38ರಿಂದ 40 ರೂ. ಹಾಗೂ 120-130 ರೂ. ಇದ್ದ ರೋಲ್ ಹುಲ್ಲು 150ರಿಂದ 160 ರೂ.ವರೆಗೂ ಮಾರಾಟವಾಗುತ್ತಿದ್ದು ಹಾಲು ಉತ್ಪಾದಕರಿಗೂ ಬೆಲೆ ಏರಿಕೆ ಬಿಸಿ ತಟ್ಟುತ್ತಿದೆ.

ಡಿಗ್ರಿ, ಫ್ಯಾಟ್ ಬಾರದಿದ್ದರೆ ವಾಪಸ್: ಬೇಸಿಗೆ ಆರಂಭಗೊಳ್ಳುತ್ತಿದ್ದು ಹಾಲಿನ ಡಿಗ್ರಿ (ಗುಣಮಟ್ಟ) ಹಾಗೂ ಫ್ಯಾಟ್(ಕೊಬ್ಬಿನಾಂಶ) ಬರುತ್ತಿಲ್ಲ. ಡಿಗ್ರಿ ಅಥವಾ ಫ್ಯಾಟ್ ಇಲ್ಲದಿದ್ದರೆ ಒಕ್ಕೂಟಗಳು ಹಾಲನ್ನು ಖರೀದಿ ಮಾಡುವುದಿಲ್ಲ. ಸಾಮಾನ್ಯವಾಗಿ ಡಿಗ್ರಿ 29 ಹಾಗೂ ಫ್ಯಾಟ್ 3.8 ಇದ್ದರೆ ಮಾತ್ರ ಹಾಲು ಉತ್ಪಾದಕ ಸಂಘ ಹಾಗೂ ಬಲ್ಕ್ ಮಿಲ್ಕ್ ಕೂಲರ್ (ಬಿಎಂಸಿ)ಗಳಲ್ಲಿ ಹಾಲು ಖರೀದಿ ಮಾಡಲಾಗುತ್ತದೆ. ಡಿಗ್ರಿ 22ರಿಂದ 25ರವರೆಗೆ ಹಾಗೂ ಫ್ಯಾಟ್ 2.5ದಿಂದ 3.0ವರೆಗೆ ಬರುತ್ತದೆ. ಇನ್ನೂ ಕೆಲವೊಮ್ಮೆ ಡಿಗ್ರಿ ಬಂದರೆ ಫ್ಯಾಟ್ ಬರಲ್ಲ. ಮತ್ತೆ ಕೆಲವೊಮ್ಮೆ ಫ್ಯಾಟ್ ಬಂದರೆ ಡಿಗ್ರಿ ಬರಲ್ಲ. ಇಂತಹ ಸಂದರ್ಭದಲ್ಲಿ ಪ್ರತಿ ಲೀ.ಗೆ 22ರಿಂದ 23 ರೂ. ನೀಡಲಾಗುತ್ತದೆ ಎನ್ನುತ್ತಾರೆ ಹಾಲು ಉತ್ಪಾದಕರು.

ದರ ಹೆಚ್ಚಳದ ಸಂಕಟ: ಕರೊನಾ ಬಳಿಕ ರಾಜ್ಯದ 14 ಹಾಲು ಒಕ್ಕೂಟಗಳು ಚೇತರಿಸಿಕೊಳ್ಳುತ್ತಿದ್ದು, ಮಾರ್ಚ್ ಅಂತ್ಯದೊಳಗೆ ಲಾಭದ ನಿರೀಕ್ಷೆ ಹೊಂದಿವೆ. ಇದೀಗ ಪ್ರತಿ ಲೀ.ಗೆ ಕನಿಷ್ಠ 30 ರೂ.ವರೆಗೆ ನೀಡಬೇಕೆಂಬ ಬೇಡಿಕೆ ಹೆಚ್ಚುತ್ತಿದೆ. ಸರ್ಕಾರ ನೀಡುವ 5 ರೂ. ಸೇರಿ ಪ್ರತಿ ಲೀ.ಗೆ 35 ರೂ.ವರೆಗೂ ನೀಡಬೇಕಿದೆ. ಈಗಾಗಲೆ ಶಿಮುಲ್ ಸೇರಿ ಕೆಲ ಒಕ್ಕೂಟಗಳು ಪ್ರತಿ ಲೀ.ಗೆ 2.50 ರೂ. ಹೆಚ್ಚಳ ಮಾಡಿವೆ. ಈ ಮಾಸಾಂತ್ಯದೊಳಗೆ ಲಾಭ ಹೆಚ್ಚಳವಾದರೆ ಮತ್ತಷ್ಟು ದರ ಹೆಚ್ಚಿಸುವ ಚಿಂತನೆ ನಡೆಸಿವೆ. ಆದರೆ ಇನ್ನೂ ಕೆಲ ಒಕ್ಕೂಟಗಳು ಹಾಲು ಉತ್ಪಾದಕರಿಗೆ ದರ ಹೆಚ್ಚಳ ಮಾಡಬೇಕಾದ ಸಂದಿಗ್ಧತೆ ಎದುರಿಸುತ್ತಿವೆ.

30 ರೂ.ಗೆ ಏರಿಸಲು ಆಗ್ರಹ: ಕರೊನಾ ತಗ್ಗಿದ ಬಳಿಕ ಹಾಲು ಉತ್ಪಾದನೆಯಲ್ಲಿ ಏರಿಕೆಯಾಗುತ್ತಿದೆ. ಆದರೆ ರೈತರಿಗೆ ಲಾಭ ಸಿಗá-ತ್ತಿಲ್ಲ ಎಂಬ ಮಾತá-ಗಳು ಕೇಳಿಬರá-ತ್ತಿವೆ. ಹಾಲು ಒಕ್ಕೂಟಗಳು ಖರೀದಿ ದರವನ್ನು ಪ್ರತಿ ಲೀಟರ್​ಗೆ 30 ರೂ. ನಿಗದಿಪಡಿಸಬೇಕು. ಸರ್ಕಾರದ ಲೀಟರ್​ಗೆ ಲೀ.ಗೆ 5 ರೂ. ಸಹಾಯಧನ ನೀಡá-ತ್ತಿದ್ದು, ಪ್ರತಿ ಲೀಟರ್​ಗೆ ರೈತರಿಗೆ 35 ರೂ. ಸಿಕ್ಕರೆ ಹೈನá-ಗಾರಿಕೆಯಲ್ಲಿ ಲಾಭ ಕಾಣಲು ಸಾಧ್ಯ ಎಂಬುದು ಹಾಲು ಉತ್ಪಾದಕ ಪ್ರಮುಖ ಬೇಡಿಕೆ. ಈಗಾಗಲೆ 14 ಹಾಲು ಒಕ್ಕೂಟಗಳಲ್ಲಿ ದಕ್ಷಿಣ ಕನ್ನಡ ಮತ್ತು ಶಿವಮೊಗ್ಗ ಹಾಲು ಒಕ್ಕೂಟಗಳು ಮಾತ್ರ ಹೆಚ್ಚಿನ ದರ ನೀಡುತ್ತಿವೆ. ರಾಜ್ಯ ಸರ್ಕಾರದ 5 ರೂ. ಸಹಾಯಧನ ಹೊರತುಪಡಿಸಿ ದಕ್ಷಿಣಕನ್ನಡ ಒಕ್ಕೂಟ ಹಾಲು ಉತ್ಪಾದಕರಿಗೆ ಪ್ರತಿ ಲೀ.ಗೆ 28ರಿಂದ 29 ರೂ. ನೀಡುತ್ತಿದ್ದರೆ, ಶಿವಮೊಗ್ಗ ಒಕ್ಕೂಟದಲ್ಲಿ 27.86 ರೂ. ಇದೆ. ಇನ್ನುಳಿದಂತೆ 12 ಒಕ್ಕೂಟಗಳಲ್ಲಿ ಪ್ರತಿ ಲೀ. ಗೆ 23ರಿಂದ 25 ರೂ. ಆಸುಪಾಸಿನಲ್ಲಿ ದರ ನೀಡುತ್ತಿವೆ.

ಪ್ರಮುಖ ಬೇಡಿಕೆ ?

• ರೈತರ ಹಾಲಿಗೆ ವೈಜ್ಞಾನಿಕ, ಏಕರೂಪದ ದರ ನಿಗದಿ
• ಹಾಲು ಖರೀದಿ ಕನಿಷ್ಠ ಗುಣಮಟ್ಟ ಕಾಯ್ದೆ ಜಾರಿ
• 2017ರಿಂದ ಉತ್ಪಾದಕರಿಗೆ ಆದ ನಷ್ಟ ಭರಿಸುವುದು
• ಜಿಡ್ಡಿನಾಂಶ, ಎಸ್​ಎನ್​ಎಫ್ ಆಧಾರದ ಮೇಲೆ ದರ ಜಾರಿ
• ಪಶು ಆಹಾರವನ್ನು ಶೇ.50ರ ರಿಯಾಯಿತಿಯಲ್ಲಿ ಪೂರೈಕೆ
• ನೇಮಕಾತಿ ವೇಳೆ ಹಾಲು ಉತ್ಪಾದಕರ ಮಕ್ಕಳಿಗೆ ಶೇ.50 ಸ್ಥಾನ
• ಒಕ್ಕೂಟಗಳಲ್ಲಿ ಅನವಶ್ಯಕವಾಗಿ ಸಿಬ್ಬಂದಿ ನೇಮಕಕ್ಕೆ ನಿಯಂತ್ರಣ
• ಸಂಘಗಳ ಸಿಬ್ಬಂದಿಗೆ ಪಿಎಫ್, ಗ್ರ್ಯಾಚುಟಿ, ನಿವೃತ್ತಿ ವೇತನ ಮಂಜೂರು

https://www.vijayavani.net/bpo-employee-death-in-car-blast-burnt-alive/

https://www.vijayavani.net/car-tanker-accident-mother-and-daughter-died-at-spot/